अटोमोवाइल क्षेत्रलाई बलियो बनाउन एनएभिटी र नाडाविच सहमती

काठमाडौं–नेपालको अटोमोवाइल क्षेत्रलाई बलियो बनाउन नाडाले श्रम, रोजगार तथा सामाजिक सुरक्षा मन्त्रालय अन्तर्गत रहेको राष्ट्रिय व्यावसायिक प्रशिक्षण प्रतिष्ठान (एनएभिटी) संग एक सहमती गरेको छ ।

मंगलबार नाडा अटोमोवाइल्स एशोसिएशन अफ नेपाल (एनएडिए) का प्रतिनिधिहरु विच नेपालको अटोमोवाइल क्षेत्रमा कुशल श्रमिक र रोजगारीको बढ्दो माग पूरा गर्न तीन वटा क्षेत्रमा पारस्परिक सहकार्य गर्ने गर्ने विषयमा उक्त सहमती भएको हो ।

अटोमोबाइल क्षेत्रलाई थप सुदृढ बनाउन पाठ्यक्रम निर्माण, तालिम कार्यक्रम, र रोजगारीका लागि अवसरहरु सृजनागरी आवश्यक सुधार गर्ने सहमतीमा उल्लेख गरिएको छ । यसैगरी, दुवै संस्थाहरुले नेपालको अटोमोबाइल उद्योगहरुको वृद्धिका लागि नविनतम अध्ययन अनुसन्धानलाई अघि बढाउने र पारस्परिक सहकार्य मार्फत उद्योगको आवश्यकताहरु र कर्मचारीहरुको क्षमताबीचको खाडल पूरा गर्ने सहमती भएको छ ।

तालिमको सन्दर्भमा लेवल एक बाट तालिमको शुरुआत गर्ने र क्रमसः लेवल दुईमा जाने, आवश्यकता अनुसार पाठयक्रम बनाउने र त्यसका लागि आवश्यक ओरिएण्टेशन दिलाउने, तालिम र पाठयक्र मनिर्माणका लागि एनएभिटीले नाडासंग सहमती गरी (एमओयु) अघि बढाउन सहमती गरिएको छ ।

उक्त छलफलमा नाडाका तर्फबाट अध्यक्ष करणकुमार चौधरी, उपाध्यक्ष राजनबाबु श्रेष्ठ र महासचिव सुरेन्द्रकुमार उप्रेती समेतको उपस्थित थियो । दुई निकायहरु विच भएको यस्तो एतिहासिक पारस्परिक सहमतीले अटोमोबाइल क्षेत्रमा योग्य र सक्षम श्रमिकहरुको आपूर्तिमा निरन्तरता र सहजता आउने अपेक्षा राखिएको छ ।