नाडा महासचिवमा सुरेन्द्र कुमार उप्रेती चयन

काठमाडौं – नाडा अटोमोबाइल्स एसोसिएसन अफ नेपालको महासचिवमा सुरेन्द्र कुमार उप्रेती (सुरेश) चयन भएका छन् । नाडाको आज बसेको कार्यसमिति बैठकले उपे्रतीलाई महासचिवमा निर्विरोध चयन गरेको हो । श्री एसटिसी ग्रुपका प्रबन्ध निर्देशक समेत रहेका उनी नाडामा यसअघि दुई कार्यकाल कोषाध्यक्ष रहिसकेका छन् ।

उप्रेती संलग्न कम्पनीहरुले नेपालमा सिएट टायर, एनी लुब्रिकेन्ट्स, हिटाची ब्याट्रीलगायत अन्य १ दर्जन बढी ब्रान्डका स्पेयर पार्ट्स आयात गरी कारोबार गर्दै आइरहेको छ । उनी स्वदेशी ब्रान्डको लुब्रिकेन्ट्स पिएलओका निर्देशक समेत हुन् ।