२०७८ जेठ ४ मंगलबार,

भ्याट विवरण बुझाउने म्याद थप्न नाडाको अनुरोध

काठमाडौं – नाडा अटोमोबाइल्स एसोसिएसन अफ नेपालले मूल्य अभिवृद्धि कर (भ्याट) विवरण बुझाउने समय थप्न सरकारसँग माग गरेको छ ।

एसोसिएसनको सोमबार बसेको कार्यसमिति बैठकले उक्त निर्णय गरेको एसोसिएसनका अध्यक्ष कृष्णप्रसाद दुलालले बताए । उनले निषेधाज्ञा जारी रहँदासम्म भ्याट बुझाउनसक्ने परिस्थित व्यवसायीहरूको नरहेको भन्दै निषेधाज्ञा सकिएपछि मात्रै भ्याट विवरण बुझाउन सकिने बताए ।

साथै, नाडाले आफूहरूसँग अक्सिजनका सिलिण्डर मौज्दात रहे नजिकको अस्पताल तथा अक्सिजन उद्योगमा बुझाउन पनि आफ्ना सदस्यहरूलाई आग्रह गरेको छ । बजारमा अक्सिजनको अभाव भइरहेकोले सहयोग र राहतका लागि सदस्यहरूलाई यस्तो आग्रह गरिएको हो ।

नाडाको विज्ञप्तिमा भनिएको छ, ‘हाल नयाँ भेरिएन्टको कोरोना बढदो क्रममा रहेको सन्दर्भमा आम जनताको सुरक्षाको लागि सरकारले राजधानीमा निषेधाज्ञा लागू गरेकोले व्यवसायीहरुले आन्तरिक राजस्व विभागमा मूल्य अभिबृद्धि कर विवरण एवं कर रकम बुझाउन सक्ने अवस्था नरहेको र स्वास्थ्य रक्षाको दृष्ट्रिकोणले पनि व्यवसायीहरु आफनो कार्यालयमा जान सक्ने अवस्था पनि नरहेकोले यही २०७८ साल बैशाख महिनाको २५ गतेसम्म बुझाउनु पर्ने म्याद सरकारले निषेधाज्ञा खोलेको मितिबाट एक हप्तासम्म कर तथा अन्य आवश्यक कागजातहरु बुझाउन सकिने व्यवस्थाका लागि सरकारसँग हार्दिक अनुरोध गर्दछौं ।’

सम्बन्धित समाचारहरू

नाडाद्वारा एपीएफ अस्पताललाई मेडिकेटेड सामान हस्तान्तरण

नाडाद्वारा एपीएफ अस्पताललाई मेडिकेटेड सामान हस्तान्तरण

काठमाडौं – नाडा अटोमोबाइल्स एसोसिएसन अफ नेपालले नेपाल एपीएफ अस्पताललाई...

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...