नाडालाई महासंघ बनाउने प्रस्ताव साधरणसभाबाट पारित, पुष २५ गते निर्वाचन

काठमाडौं–नाडा अटोमोबाइल एसोसिएसन अफ नेपाल (नाडा) लाई महासंघ बनाइने भएको छ । बुधबार ललितपुरमा बसेको नाडाको ४९औँ वार्षिक साधारणसभाले नाडालाई महासंघ बनाउने प्रस्ताव गरेको हो।

नाडाको उक्त साधरणसभाले महासंघमा जान नयाँ नेतृत्व चयनका लागि निर्वाचन गर्ने घोषणा समेत गरेको छ । निर्बाचन यस पुष २५ गते हुने भएको हो ।

नाडाको वर्तमान कार्यसमितिले नाडालाई महासंघमा लैजाने तयारी गरेको थियो । तर, निर्वाचनअघि महासंघमा लैजान नसक्ने र यो विधानविपरीत हुने भन्दै साधरणसभा रोक्न र निर्वाचन मिति घोषणा गर्न जिल्ला प्रशासन कार्यलय काठमाडौंले भनेसँगै नाडा सोही निर्देशनअनुसार अघि बढेको हो ।