२० वर्षको प्रयासपछि अप्टेराले बनायो पहिलो सोलार कार
काठमाडौं–अमेरिकी स्टार्टअप कम्पनी अप्टेराले २० वर्षको प्रयासपछि आफ्नो...
युरोपको सबैभन्दा ठूलो मोटर शो ‘द म्युनिख मोटर शो २०२१’ जर्मनीको म्युनिखमा आयोजना भइरहेको छ । यहाँ विभिन्न कार कम्पनीहरुले आधुनिक प्रविधि र फिचरसहितका कार सार्वजनिक गरेका छन् । यी मध्ये पनि केही कारले धेरैको ध्यान तानेका छन्, जसमा प्रयोग गरिएको प्रविधिले भविष्यमा अटोमोबाइल संसारलाई नै फरक दृश्यमा उतार्ने छ ।
बीएमडब्ल्युले सार्वजनिक गरेको कन्सेप्ट ह्याचब्याक आई–भिजन सर्कुलरलाई सन् २०४० सम्म बजारमा उपलब्ध हुने कार भनिएको छ । यसमा प्रयोग गरिएका सामग्री सतप्रतिशत रुपमा रिसाइकल गरिएका हुनु नै यसको प्रमुख विशेषता हो ।
औडीले स्फेयर कन्सेप्ट कार सार्वजनिक गरेको छ, जसमा ग्रान्डस्फेयर पनि पुरै इलेक्ट्रिक छ । ७१० बीएचपीको यो कारले सिंगल चार्जमा ७४० किलोमिटरको दुरी पार गर्छ । यसको इन्टेरियर रिसाइकल मेटरियलबाट बनाइएको छ ।
कोरियाली कम्पनी किया मोटर्सले ९० बीएचपी इलेक्ट्रिक मोटर र ११६ लिटर टर्बोचार्ज पेट्रोल इन्जिनयुक्त हाइब्रिड कार प्रदर्र्शन गरेको छ । त्यसैगरी मर्सिडिजले ५ वटा इलेक्ट्रिक कार राखेको छ । ती मध्ये मर्सिडिज ईक्यूईलाई सन् २०२२ मा बजारमा उतारिने छ । एक पटक फुल चार्ज गर्दा यसले ६६० किमीको दुरी पार गर्न सक्छ ।
रेनोले मेगान ई–टेक इलेक्ट्रिक कार प्रदर्शन गरेको छ । त्यसैगरी फक्सवागनले सार्वजनिक गरेको नयाँ आईडी लाइफको लुक निकै नै आकर्षक छ । सन् २०२५ मा बजारमा आउने यो कारको छत र बोनट प्लास्टिक बोतलबाट बनाइएको छ ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...