नेपाली बजारमा सार्वजनिक भयो बीवाईडीको बहुप्रतीक्षित कार एट्टो३

काठमाडौं – नेपाली बजारमा बीवाईडीको बहुप्रतीक्षित इलेक्ट्रिक कार एट्टो३ सार्वजनिक गरिएको छ । शनिबार एक कार्यक्रमका बीच सो गाडी सार्वजनिक गरिएको हो ।

पटक पटक घोषणा गरेर पनि विविध कारणले रोकिएको सो इलेक्ट्रिक कारको लन्चिङ अहिले भएको हो । पहिले देखि नै नेपाली ग्राहकको चासोमा परे पनि बजेट र अन्य कारणले यो कार नेपाल भित्रिन सकेको थिएन ।

यो गाडीको मूल्य ८९ लाख ९० हजार रुपैयाँ तोकिएको छ। अहिले गाडी बुक गर्ने ग्राहकले चार्जर र भीटुएल केवल निःशुल्क पाउने छन्।

हाल यो गाडी ४ वटा रङमा उपलब्ध छ भने बुकिङ गरेको एक महिनाभित्र गाडी डेलिभरी गरिने कम्पनीले जनाएको छ।

चर्चित कलाकार हरिवंश आचार्य यो ब्रान्डको नेपालका लागि ब्रान्ड एम्बेस्डर हुन। अष्ट्रेलियन एनक्यापमा यसले ५ स्टार सेफ्टी रेटिङ प्राप्त गरेको छ। यस्तै ग्लोबल एन्क्याप टेस्टमा पनि फाइभ स्टार रेटिङ प्राप्त गरेको छ।

यो गाडीमा ६०.४ किलोवाट क्षमताको ठूलो ब्लेड व्याट्री जडान गरिएको छ । यसले २०० एचपी पावर र ३१० एनएम टर्क जेनेरेट गर्ने क्षमता राख्छ । ८० किलोवाटको फास्ट चार्जरले यसको ब्याट्रीलाई करिव ४५ मिनेटमै फुल चार्ज गर्न सकिन्छ । यसले सिंगल चार्जमा ४२० किलोमिटर सम्मको रेन्ज दिने दाबी गरिएको छ ।