मोटुलका सीईओ नागेन्द्र पाई भन्छन् – नेपालमा अब दक्ष जनशक्ति समेत लगानी गर्नेछौ

मोटुल इन्डिया प्रालिका चिफ एक्जिक्युटिभ अफिसर (सीईओ) हुन् नागेन्द्र पाई । मोटुलले नेपालमा पहिले विभिन्न आयातकर्तासँग सहकार्य गर्दै आएकोमा अब आईएमई ग्रुप अन्तर्गतको आईएमई इलेक्ट्रिकसँग सहकार्यको घोषणा गरेको छ । नयाँ सहकार्यको घोषणा पश्चात मोटुलले हालै काठमाडौंमा पहिलो पटक डिलर्स मिटको समेत आयोजना गरेको छ ।

२५ वर्ष भन्दा लामो समय देखि अटोमोबाइल बजारमा लागिरहेका पाईले भारत वाहेक साउथ अफ्रिका, मिडिल इस्ट र चाइनामा समेत मोटुलको बजार प्रवद्र्धन सम्बन्धी कार्य गरिसकेका छन् । हाल उनले नेपाल वाहेक भारत, बंगलादेश र श्रीलंकाको बजार समेत व्यवस्थापन गर्दै आएका छन् ।

डिलर्स मिटकै सन्दर्भमा नेपाल आएको समयमा नागेन्द्र पाईसँग मोटुल लुब्रिकेन्ट ब्रान्ड र यसको विशेषता तथा नेपालको बजार र आगामी सम्भावना वारेमा नेपाल अटोले कुराकानी गरेको छ । सोही कुराकानीको सारसंक्षेप यहाँ प्रस्तुत गरिएको छ ।

मोटुलले अब नेपाली बजारमा कसरी अगाडि बढ्ने योजना बनाएको छ ?
हामीले आईएमई ग्रुपसँग एक रणनीतिक सहकार्य गर्ने घोषणा गरेका छौ । अहिलेको अवस्थामा हामीले पहिले भन्दा रणनीति नै परिवर्तन गरेका छौ । पहिले हामीले उत्पादन बिक्री गर्ने मात्र उद्देश्यका साथ कार्य गरेका थियौ । तर अब भने नेपालमा एक मुख्य वितरक हुनेछ भने यहाँ मोटुल र आईएमई दुवैको प्रतिनिधि मिलेर काम गर्नेछन् । भारतको कलकत्तामा रहेको प्रतिनिधिले नेपालका साथै सबै गरी तीन स्थानको बजार हेर्नेछ भने आईएमईको तर्फबाट पनि मोटुलकै लागि भनेर केही संख्यामा प्रतिनिधिहरु रहने छन् ।

यस अनुसार हामीले पहिले उत्पादन बिक्री मात्र गर्ने गरेकोमा अब लगानी समेत हुनेछ । यसका लागि आवश्यक ब्रान्डिङ लगायतका विभिन्न कार्य समेत हुनेछ । भारत र अन्य देशमा प्रतिष्ठित रहेको मोटुल ब्रान्डलाई नेपालमा समेत प्रतिष्ठित बनाउनका लागि आवश्यक कार्य गर्नेछौ । यसै अनुसार नेपालमा पहिलो कार्यक्रमको रुपमा डिलर्स मिट आयोजना गरेका छौ । यहाँ आईएमई र मोटुल दुवैतर्फका मुख्य व्यक्तिहरुको समेत सहभागिता रहेको छ । यहीबाट हाम्रो सहकार्यलाई व्यावहारिकता दिने कार्यको सुरुवात समेत भएको छ ।

मोटुल ब्रान्ड नेपालमा पहिले देखि नै बिक्री–वितरण भइरहेको छ । तर पनि उल्लेख्य रुपमा बजार विस्तार गर्न सकेको पाइदैन । पछिल्लो समयमा नेपालमा बजार विस्तारका लागि आईएमई ग्रुपसँग नै किन सहकार्य गर्ने निर्णय गर्नुभयो ?
हाम्रो रणनीति अनुसार अगाडि बढ्न सक्ने सहकर्मीको खोजीमा हामी थियौ । मोटरसाइकल देखि प्यासेन्जर कार र कमर्सियल भेइकल सम्म सबैमा उपयुक्त मानिने प्रिमियम प्रोडक्ट समेत उपलब्ध गराउदै आएको मोटुललाई नेपालमा स्थापित गर्नुपर्ने आवश्यकता छ । मूल्य र अन्य विभिन्न विशेषतालाई बुझाएर नेपालमा मोटुल ब्रान्ड स्थापित गर्नुपर्ने चुनौती छ । यसका लागि आवश्यक मार्केटिङ लगायतका विभिन्न कार्य समेत गर्नुपर्ने अवस्था छ । आईएमई ग्रुप आफैमा राम्रो नेटवर्क भएको संस्था हो । अटोमोटिभ लगायतका विभिन्न क्षेत्रमा आईएमईको राम्रो पहुँच छ । यो अवस्थामा आईएमई पनि राम्रो लुब्रिकेन्ट ब्रान्डसँग जोडिन चाहिरहेको अवस्था थियो । अशोक लेल्यान्ड, एस्कर्ट्स, राफ्ट लगायतका विभिन्न अटोमोटिभ ब्रान्ड बिक्री–वितरण गरिरहेको अवस्थामा गुणस्तरीय लुब्रिकेन्टसँग जोडिनु आईएमई ग्रुपका लागि पनि आवश्यक थियो । यो अवस्थामा दुवैको कुरा मिल्यो र हामी सहकार्य गर्ने निर्णयमा पुग्यौ ।

कुन सेगमेन्टका सवारी साधनमा मोटुल बढी प्रयोग हुने गरेको छ ?
हामीले टु ह्विलर, फोर ह्विलर र कमर्सियल तथा इन्डष्ट्रियल सेगमेन्ट सबैका लागि विभिन्न रेन्जका लुब्रिकेन्ट बिक्री–वितरणका लागि उपलब्ध गराइरहेका छौ । सामान्यतः टु ह्विलर बढी प्रयोग हुने भएकाले बिक्री पनि यही सेगमेन्टको बढी हुन्छ । यद्यपि अन्य सेगमेन्टमा पनि राम्रो उपस्थिति छ । नेपालमा पनि अवस्था यही हो । आगामी दिनमा टु ह्विलर बाहेक अन्य सेगमेन्टमा पनि राम्रो बजार विस्तार गर्ने योजनाका साथ कार्य गर्नेछौ । यसै अनुसार नै आईएमईसँग हाम्रो सहकार्य हुनेछ ।

आगामी दिनमा नेपालको बजार कस्तो हुने अनुमान गर्नुभएको छ ?
अहिले सम्म हामी बिना लगानी नै प्रतिफल खोजिरहेका थियौ । तर अब भने लगानीका साथ आएका छौ । भारतमा मात्र नभई विश्वमै टु ह्विलरका लागि मोटुल विशेषज्ञ लुब्रिकेन्ट नै मानिन्छ । मोटरसाइकलमा हाल भारतमा मोटुल दोस्रो पोजिसनमा छ । हामीले भारतीय बजारका लागि एक रेन्ज बनाएका छौ । भारतीय बजारले पनि प्रिमियम, स्पेसल, मिडियम र लो लेभल गरी सबै लेभलको लुब्रिकेन्ट खोज्छ । भारत र नेपालको बजार उस्तै भएकाले नेपालमा पनि हामीले सबै रेन्ज उपलब्ध गराएका छौ । राम्रो मूल्यमा ‘गुड प्रोडक्ट’ खोज्ने भ्यालु फर मनी चाहने ग्राहक यहाँ पनि छन् । अफरोड जान चाहने बाइकरहरुका लागि प्रिमियम प्रोडक्ट पनि उपलब्ध छन् । यस अनुसार वितरकको चाहनामा मात्र नभएर ग्राहकको चाहना अनुसारका सबै प्रोडक्ट आईएमई ग्रुपले स्टक राख्ने छ । यसबाट नेपाली बजार आगामी दिनमा राम्रो हुने अनुमान गर्न सकिन्छ ।

नेपाली बजारलाई अझै राम्रो बनाउनका लागि कस्ता गतिविधि गर्ने योजना बनाउनु भएको छ ?
हामीले पहिले करिव सय हाराहारी रिटेलरमार्फत मोटुल बिक्री–वितरण गरिरहेकोमा अब यसलाई बढाएर ५ सय भन्दा बढी पु¥याउनु पर्नेछ । यसका लागि आवश्यक साइनेज, ब्रान्डिङ लगायतका कार्य गर्नुपर्ने आवश्यकता छ । त्यसैगरी आईएमई ग्रुपमार्फत फिल्ड मार्केटिङ पनि गर्नेछौ । यी सबै कार्यका लागि रिटेलर र मेकानिक्स तथा ग्राहकका साथ विभिन्न क्रियाकलापहरु गर्नेछौ । यसका लागि आवश्यक बजेटको समेत व्यवस्थापन गरेका छौ ।

हामीले सामाजिक सञ्जालमार्फत पनि विभिन्न जानकारीमूलक सामग्री प्रस्तुत गर्नेछौ । मोटुल ब्रान्ड युवाहरुसँग जोडिएको ब्रान्ड पनि भनिन्छ । यसै अनुसार विभिन्न इभेन्ट, रेसिङ आदिमा हामीले लगानी गरेका छौ ।

भारत र अन्य देशमा मोटुलको अवस्था कस्तो छ ?
भारतमा हामी मोटरसाइकल सेगमेन्टमा दोस्रो नम्बरमा छौ । भारतमा युवाहरु धेरै छन् । युवाहरुले आफूलाई चाहिने इन्जिन आयल खोज्दा मोटुल नै खोज्छन् । बाइक भएका व्यक्ति मध्ये करिव आधासँग कार पनि छ । हामीले कारका लागि पनि आवश्यक रेन्ज उपलब्ध गराइरहेका छौ । मैले बजार हेर्ने भारत, बंगलादेश र श्रीलंकामा पनि हाम्रो राम्रो बजार छ । हाल १७५ भन्दा बढी देशमा मोटुल ब्रान्डको उपस्थिति रहेको छ ।

मोटुलको उत्पादन प्रक्रिया कस्तो छ ? यो किन अरु ब्रान्ड भन्दा फरक छ ?
बजारमा धेरैले सिन्थेटिक आयल बिक्री गरिरहेको दावी गर्छन् । तर वास्तवमा सबैमा सिन्थेटिक हुँदेन । राम्रो बेस आयल प्रयोग गरेपछि सिन्थेटिक भयो भन्छन् । वास्तविक सिन्थेटिक हुनका लागि आवश्यक एस्टर कोर टेक्नोलोजी मोटुलसँग मात्र छ । एस्टर कोर टेक्नोलोजीका कारण लामो समय सम्म इन्जिन प्रयोग भइरहेमा पनि समस्या आउदैन । यसैकारण नै विभिन्न प्रकारका मोटर स्पोर्ट्समा मोटुल जोडिएको पाइन्छ । फ्रान्समा हुने ‘२४ आवर ले म्यान्स’ मा २४ घण्टा सम्म पनि तीव्र गतिमा गाडी दौडिरहन्छ । सो गाडीमा समेत मोटुल लुब्रिकेन्ट प्रयोग हुन्छ । त्यसैगरी चिसोका लागि उपयोगी रेन्ज समेत मोटुलसँग छ ।

अटोमोटिभ ब्रान्डसँग कसरी सहकार्य गर्नुभएको छ ?
विभिन्न ब्रान्डले ओईएमको रुपमा मोटुल प्रयोग गरेका छन् । विभिन्न प्रकारका क्लिनिङ प्रोडक्ट समेत हामीले उपलब्ध गराएका छौ । यी सबैका कारण धेरै ब्रान्डसँग हाम्रो सहकार्य छ । नेपालमा पनि त्यसै अनुसार सहकार्य हुनेछ ।

अन्त्यमा थप केही भन्नु छ कि ?
मोटुल आफैमा गुणस्तरीय लुब्रिकेन्ट हो । यसै अनुसार अन्य देशमा धेरै ग्राहकले रुचाउने गरेका छन् । आगामी दिनमा हामी नेपाली ग्राहकले पनि मोटुल ब्रान्ड रुचाउने अपेक्षा गरेका छौ । यस अनुसार मोटुलको विशेषता वारेमा जानकारी लिन र प्रयोग गर्नु हुन सबैमा अनुरोध छ ।