साउन २९ सम्म मोटरहेड एक्सचेन्ज, पुरानो मोटरसाइकलमा प्रचलित मूल्य भन्दा १५ हजार बढी पाइने

काठमाडौं – मोटरहेड बाइकको आधिकारिक वितरक एसएलआर टेक्नो एन्ड ट्रेडले भक्तपुरको सल्लाघारीस्थित सोरुममा एक्सचेन्ज कार्यक्रम गर्ने भएको छ । साउन २७ देखि २९ गते सम्म संचालन हुने उक्त एक्सचेन्ज कार्यक्रममा कुनै पनि ब्रान्डका पुरानो मोटरसाइकल वा स्कुटरसँग मोटरहेडको नयाँ मोटरसाइकल साट्न सकिने छ ।

सो अवसरमा पुरै नगद रकम बुझाउदा नयाँ मोटरसाइकलको मूल्यमा १० हजार छुट प्रदान गरिने छ भने फाइनान्स गर्दा ५ हजार छुट प्रदान गरिने छ । त्यसैगरी प्रत्येक ग्राहकलाई हात खाली नजाने उपहारको रुपमा विभिन्न गिफ्ट ह्याम्पर प्रदान गर्ने कम्पनीको भनाइ छ ।

नेपाली बजारमा मोटरहेडका विभिन्न ७ मोडलका बाइक उपलब्ध छन् । ती मध्ये टेक्कन २५० को मूल्य ३ लाख ९५ हजार, एमएच २०० एक्सको मूल्य ३ लाख ७५ हजार र स्क्र्याम्बलर २५० को मूल्य ४ लाख ५५ हजार रुपैयाँ छ । त्यसैगरी एक्स टर्कको मूल्य ३ लाख ८० हजार रुपैयाँ छ । अन्य मोडलमा मोटरहेड स्पोर्ट्स अफरोड टयर र स्पोर्ट्स रोड टायरको मुल्य क्रमशः ३ लाख ६८ हजार र ३ लाख ७० हजार पर्छ ।