२०७८ जेठ ४ मंगलबार,

खेलकुद महासंघमा मोटर स्पोर्ट्स क्षेत्रमा क्रियाशील पदाधिकारीहरु चयन

काठमाडौं – एमाले निकट नेपाल खेलकुद महासंघको केन्द्रीय समितिमा अटोमोबाइल क्षेत्रमा क्रियाशील विभिन्न व्यक्तिहरु पदाधिकारी बनेका छन् । हालै एमाले अध्यक्ष केपी ओली पक्षीय नेताहरु सम्मिलित नेपाल खेलकुद महासंघको ८ सय ४५ सदस्यीय नयाँ समिति बनेको हो ।

बैशाख ७ गते काठमाडौंमा भएको राष्ट्रिय कार्यकर्ता भेलाले केन्द्रिय कमिटी, आयोगहरु, सल्लाहकार कमिटीलगायत मातहतका प्रदेश, जिल्ला तथा महानगर कमिटि गठन गरेको थियो ।

केन्द्रीय कमिटीको प्रथम उपाध्यक्ष बनेका गोविन्द प्रसाद भट्टराई र महासचिव बनेका मेघराज पौडेल नेपालमा अटोमोबाइल स्पोर्ट्सको विकासमा लामो समय देखि क्रियाशील व्यक्ति हुन् ।

प्रथम उपाध्यक्ष बनेका भट्टराई नेपाली खेलकुदमा सक्रिय नाम हो । भट्टराई हाल साहसिक तथा पर्यटकीय खेलकुद महासंघको केन्द्रीय अध्यक्ष छन् भने पौडेल नेपाल क्लाइम्बिङ स्पोर्ट्स एसोसिएसनको महासचिव छन् । भट्टराई पछिल्लो समय साहसिक तथा पर्यटकीय खेलकुद महासंघको अध्यक्षको हैसियतमा राखेपको बोर्ड सदस्य छन् ।

मेघराज पौडेल पनि मोटर स्पोर्ट्स क्षेत्रमा क्रियाशील नासामा लामो समय कार्यरत थिए । नेपाली खेलकुदलाई व्यावसायिक बनाउन र यसको स्तर वृद्धि गर्नमा उनको महत्वपूर्ण भूमिका छ ।

महासचिव मेघराज पौडेलद्धारा जारी बिज्ञप्ति अनुसार रमेश पौडेलको नेतृत्वमा गठित केन्द्रिय कमिटीमा परशुराम (कृष्ण) बस्नेत बरिष्ठ उपाध्यक्ष छन् ।

त्यसैगरी मोटर स्पोर्ट्स क्षेत्रमा क्रियाशील निरज खड्का स्थायी कमिटी सदस्य र ठाकुरप्रसाद न्यौपाने, सुशील तण्डुकार, सञ्जु बज्राचार्य र सन्तोष न्यौपाने सचिवालय सदस्य बनेका छन् ।

त्यसैगरी मोटर स्पोर्ट्स र अटोमोबाइल क्षेत्रमा क्रियाशील अनिल बराल, देवराज क्षेत्री, प्रकाश कपुरी, रमेश सिलवाल र जय थापा सदस्य बनेका छन् ।

त्यसैगरी मनोज विक्रम शाह सल्लाहकार समितिको सदस्य छन् ।

सम्बन्धित समाचारहरू

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...