नयाँ सुजुकी ब्रेजामा ४० भन्दा बढी कनेक्टेड फिचर्स हुने

मारुतीको सब–कम्प्याक्ट एसयूभी ब्रेजा एड्भान्स फिचर सहित जुन ३० मा लन्च गरिनेछ । मारुती सुजुकीले नयाँ २०२२ ब्रेजामा ४० भन्दा बढी केनेक्टेड फिचर सहितको इन–बिल्ट नेक्स्ट जेनेरेशनको सुजुकी कनेक्ट टेलिमेटिक्स सोल्युशन पोलिसी हुने जानकारी दिएको छ । नयाँ ब्रेजाले हुन्डाई भेन्यु, किया सोनेट, महिन्द्रा एक्सयूभी३०० र टाटा नेक्सनसँग प्रतिस्पर्धा गर्नेछ ।

नयाँ मारुती सुजुकी ब्रेजामा फिचरले भरिएको क्याबिन हुनेछ, जसमा हेड–अप डिस्प्ले, ९ इन्चको इन्फोटेनमेन्ट स्क्रिन, ३६० डिग्री क्यामेरा र प्रिमियम साउन्ड सिस्टम समावेश हुनेछ । नयाँ ब्रेजामा कनेक्टेड कार टेक्नोलोजी समावेश गर्नेमा ध्यान केन्द्रित गरिएको छ, जहाँ ट्रयाकिङ, ट्रिप एनालिसिस, ड्राइभिङ बिहेवियर, स्मार्टफोन मार्फत स्टाटस अलर्ट, स्मार्ट घडी र एलेक्सा स्किल जस्ता कार्यका रिमोट एक्सेस गर्न सकिन्छ ।

ब्रेजा पहिलो पटक २०१६ मा भारतमा लन्च गरिएको थियो । मारुती सुजुकीले हालसम्म यो मोडलका ७ लाखभन्दा बढी युनिट बिक्री गरिसकेको छ । अन्य धेरै कम्पनीले प्रतिस्पर्धामा नयाँ मोडल लन्च गरेपछि यसको लोकप्रियता घटेको थियो । वास्तवमा, नयाँ ब्रेजामा इलेक्ट्रिक सनरुफ समावेश गर्ने पहिलो मारुती सुजुकी कार हुनेछ ।

मारुती सुजुकी २०२२ ब्रेजामा नयाँ अर्टिगामा जस्तै १.५ लिटर, ४ सिलिन्डर के१५सी डुअलजेट पेट्रोल इन्जिन समावेश हुनेछ । यो इन्जिन पुरानो ४ स्पिड टर्क कन्भर्टर अटोमेटिक गियरबक्सलाई नयाँ ६ स्पिड अटोमेटिक युनिटले प्रतिस्थापन गर्नेछ, तर ५ स्पिड म्यानुअल गियरबक्स स्ट्यान्डर्डको रूपमा जारी रहनेछ ।

नयाँ २०२२ ब्रेजाको एक्सटेरियरमा नयाँ ग्रिल, रिभाइज्ड फ्रन्ट र रियर बम्पर, अपडेटेड हेडल्याम्प क्लस्टर, ड्युअल टोन शेडमा नयाँ डिजाइन गरिएको १६ इन्चको अलोय ह्विल र पुनः डिजाइन गरिएको टेल ल्याम्प समावेश गर्नेछ ।