यी हुन् बढी ग्राउन्ड क्लियरेन्स भएका ५ कार, जसलाई खराब सडकमा पनि सजिलै चलाउन सकिन्छ

एसयूभी वा एमपीभी कारमा जस्तै अन्य कुनै पनि कारमा राम्रो ग्राउन्ड क्लियरेन्स हुँदैन, जसलाई खराब सडकमा पनि सजिलै चलाउन सकियोस् । यद्यपि हाल केही सेडान कारमा समेत राम्रो ग्राउन्ड क्लियरेन्स पाउन सकिन्छ ।

कच्ची सडक वा खराब सडकमा कार चलाउँदा सबैभन्दा ठूलो डर तलबाट कार ठोक्किने हो कि भन्ने हो । यस्तो हुँदा इन्जिन र कारको तल्लो भागमा क्षति पुग्ने जोखिम बढ्छ । यो अवस्थामा यस्ता कार उपयोगी हुन सक्छन् ।

फक्सवागन भर्टस
जर्मन कार फक्सवागन भर्टसमा धेरै फिचर सहित राम्रो ग्राउन्ड क्लियरेन्स उपलब्ध छ । यसमा १७९ एमएमको ग्राउन्ड क्लियरेन्स छ । यो कार नेपाली बजारमा अझै उपलब्ध छैन ।

स्कोडा स्लाभिया
स्कोडाको स्लाभिया कार पनि राम्रो ग्राउन्ड क्लियरेन्स भएको सेडान कार हो । सो कारमा १७९ एमएमको उत्कृष्ट ग्राउन्ड क्लियरेन्समा उपलब्ध छ । यो कार नेपाली बजारमा आउने तयारीमा छ ।

होन्डा अमेज
जापानी कार कम्पनी होन्डाले अमेज कम्प्याक्ट सेडान कार उपलब्ध गराएको छ । होन्डा अमेजमा १७० एमएमको ग्राउन्ड क्लियरेन्स उपलब्ध छ । यो कार नेपाली बजारमा उपलब्ध छ ।

टाटा टिगोर
भारतीय कार निर्माता कम्पनी टाटाले कम्प्याक्ट सेडानको रूपमा टाटा टिगोर कार उपलब्भ गराएको छ । होन्डा अमेजमा जस्तै यसको ग्राउण्ड क्लियरेन्स पनि १७० एमएम छ । टाटा टिगोर नेपाली बजारमा उपलब्ध छ ।

सुजुकी डिजायर
मारुती सुजुकीको सबैभन्दा लोकप्रिय कार डिजायरलाई पनि कम्पनीले कम्प्याक्ट सेडानको रूपमा पेश गरेको छ । सो सेडान कारमा १७० एमएम ग्राउन्ड क्लियरेन्स उपलब्ध छ । यो कार नेपाली बजारमा उपलब्ध छ ।