फुल चार्जमा ७०० किलोमिटरको रेन्ज दिने इलेक्ट्रिक सुपरकार, ३५० किलोमिटर प्रतिघन्टा टप स्पिड

मिन मेटल मोटर्स (एमएमएम) नामको इन्डियन स्टार्टअपले भारतमा पहिलो पटक इलेक्ट्रिक सुपरकार अजानी कार निर्माणको लागि प्रोजेक्ट सुरु गरेको छ । कम्पनीले सो सुपरकारको टप स्पिड ३५० किलोमिटर प्रति घन्टा हुने दाबी गरेको छ ।

उक्त सुपरकार २ सेकेन्डमा ० देखि १०० किलोमिटर प्रति घन्टाको स्पिड लिने क्षमता रहेको छ । सो सुपरकारमा प्रयोग गरिएको इलेक्ट्रिक मोटरले १००० एचपीको पावर जेनेरेट गर्छ । एक पटकको फुल चार्जमा ७०० किलोमिटरको रेन्ज प्रदान गर्छ ।

कम्पनीले सो कार पहिला २०२३ मा ब्रिटेनमा र २०२४ मा युएईमा लन्च गर्नेछ । भारतमा भने २०२५ मा मात्र लन्च गर्नेछ । यसको मूल्य १ लाख २० हजार डलरबाट सुरु हुनेछ ।

सो कम्पनीको स्थापना २०१२ मा सार्थक पोलले गरेका थिए र २०१४ मा ब्रान्डको रुपमा स्थापना भएको थियो ।

अजानी सुपरकार म्याकलरेन सुपरकार जस्तो देखिन्छ । कारको फ्रन्ट प्रोफाइल पुरै ढाकिएको प्यानल र ठूलो एयर भेन्ट्समा इन्टिग्रेडेट शार्प एलईडी हेडल्याम्पको साथमा स्लिक उपलब्ध हुनेछ ।

कारमा घुमाउरो बोनट, हल्का फ्लेयर्ड ह्वील आर्च, शोल्डर लाइन, अल ब्ल्याक ककपिट, सुडोल र एयरोडायनामिक टेल सेक्शन उपलब्ध हुनेछ । जसले सुपरकालाई निकै आकर्षक बनाउने आशा गरिएको छ । अजानीको रियरमा टेललाइटको रुपमा स्लिक एलईडी स्ट्रिप समावेश गरिने छ ।

सो इलेक्ट्रिक सुपरकार माइक्रो प्लान्टमा निर्माण गरिनेछ । जसले सो कारको मूल्यमा कमी आउनेछ । स्टार्टअपको लक्ष्य २०३० सम्ममा ३ करोड ४० लाख इलेक्ट्रिक भेइकल निर्माण गर्ने र ५ हजार ५६४ अरब भारुको मार्केट मूल्य बनाउने लक्ष्य राखेको छ ।

हाल सो कारको लागि २२ जना सदस्यले युके, जर्मनी र अमेरिकामा टेक्निकल पार्टनरको साथमा रिसर्च, डेभलपमेन्ट, डिजाइन, एयरोडायनेमिक्स र इन्जिनियरिङमा काम गरिरहेको छन् ।