मिकु सुपर : क्रुज कन्ट्रोल सहितको इलेक्ट्रिक बाइक (मूल्य र फिचर सहित)

नेपाली बजारमा केही समय पहिले भित्रिएका मिकु ब्रान्डका इलेक्ट्रिक बाइक फरक पहिचानका कारण धेरैका लागि आकर्षक लाग्न सक्छन् ।

नेपाली बजारमा उपलब्ध दुई मोडल मध्ये ‘मिकु सुपर’ इलेक्ट्रिक बाइकमा स्टिल फ्रेम सहितको फ्लोटिङ सी आकारको बडी छ । सो बाइकले १५० किलोग्राम सम्म लोड धान्न सक्छ ।

यसको अघिल्लो भागमा मिकु ब्रान्डिङ सहितको चम्किलो सर्कुलर एलईडी लाइट छ । त्यसैगरी यसमा एलईडी टेललाइट छ भने कलरफुल डिजिटल इन्स्ट्रयुमेन्ट रहेको छ ।

मिकु सुपरमा ३ हजार वाट क्षमताको मोटर जडान गरिएको छ भने ७२ भोल्ट २० एएच क्षमताको लिथियम आयोन ब्याट्री दिइएको छ । दुई ब्याट्री अप्सनमा उपलब्ध मिकु सुपरले एक पटकको फुलचार्जमा १३५ किलोमिटरसम्म यात्रा गर्न सकिने दावी गरिएको छ । यो ब्याट्रीलाई फुलचार्ज गर्न ४ देखि ५ घन्टासम्म लाग्छ । यसको टप स्पिड ८० किलोमिटर प्रति घन्टा रहेको छ ।

यो बाइकको टप स्पिड ८० किलोमिटर प्रतिघण्टा छ भने ८.५ सेकेन्डमा सो स्पिड कायम गर्न सक्छ । बाइकमा क्रुज कन्ट्रोल सहित तीन स्पिड मोड रहेका छन् ।

यो मोटरसाइकलको मूल्य ३ लाख ९६ हजार ९ सय रुपैयाँ रहेको कम्पनीले जनाएको छ । नेपाली बजारमा क्यालिबर अटोले मिकुका इलेक्ट्रिक बाइक बिक्री–वितरण गरिरहेको छ ।