नयाँ अवतारमा आउँदै एमजी–४, यस्तो हुनेछ विशेषता

एमजीले आफ्नो लोकप्रिय इलेक्ट्रिक ह्याचब्याक कार एमजी४ लाई नयाँ अवतारमा उतार्ने तयारी गरेको छ । कम्पनीले अगस्ट ५ मा प्रि–अर्डर खुल्ला गर्ने र आधिकारिक रूपमा सेप्टेम्बरमा लन्च गर्ने तयारी गरेको हो ।

नयाँ एमजी४ मा कम्पनीले पहिलोपटक सेमी सोलिड स्टेट ब्याट्री उपलब्ध गराउनसक्ने अनुमान गरिएको छ । आकारको हिसाबले यस कार बिवाईडी डल्फिन र फक्सवागन आइडि–३ भन्दा ठुलो हुृनेछ ।

कम्पनिका अनुसार कारमा फ्लोटिङ सेन्ट्रल टचस्क्रिन र आयताकार डिजिटल इन्स्ट्रुमेन्ट प्यानल र टू स्पोक मल्टिफंक्शन स्टेयरिङ ह्वील उपलब्ध हुनेछ । साथै, यसमा इलेक्ट्रोनिक गियर शिफ्टर, वायरलेस फोन चार्जिङ प्याड, पावर समायोजन, हिटिङ एन्ड भेन्टिलेसनसहितको सिट समावेश गरिएको छ ।

नयाँ एमजी४ ले हाइवे नेभिगेट अन अटोपायलटसहित असिस्टेड ड्राइभिङ फिचरसमेत सपोर्ट गर्ने अनुमान गरिएपनि पूर्ण फिचरहरु सार्बजनिक गरिएको छैन । साथै, पावरट्रेन र अनुमानित मूल्यका विषयमा समेत कम्पनी मौन देखिएको छ ।

एमजी४ नेपाली बजारमा समेत उपलब्ध बिद्युतीय कार हो । चीनमा लन्च भएर अन्तराष्ट्रिय बजारमा समत निर्यात हुन थालेपनि यसको नयाँ मोडल नेपाली बजारमा समेत उपलब्ध हुनेछ । नयाँ एमजी४ का लागि नेपाली ग्राहककले कम्तिमा २०२६ सम्म भने कुर्नुपर्ने देखिन्छ ।