एमजी बन्यो युरोप र बेलायतमा १० लाख युनिट कार बिक्री गर्ने पहिलो चिनियाँ अटो ब्रान्ड

चिनियाँ अटो निर्माता एमजी युरोप र बेलायतमा १० लाखभन्दा बढी सवारी साधन बिक्री गर्ने पहिलो चिनियाँ कार ब्रान्ड बनेको छ ।

ब्रिटिश अटोमेकर भएपनि एमजीलाई सन् २००५ मा चीनको नानजिङ अटोमोटिभ कर्पोरेशनले खरिद गरेको थियो । त्यसपछि २००७ मा एसएआईसीले नानजिङ अटोमोटिभ कर्पोरेशनलाई अधिग्रहण गरेपछि एमजी हाल सोही कम्पनीअन्तर्गत सञ्चालन हुँदै आएको छ ।

२०२५ मा एमजीले युरोपेली र बेलायती बजारमा ३ लाखभन्दा बढी सवारी साधन बिक्री गरेकोमा बेलायमा मात्रै ८५ हजार युनिट बिक्री गरेको छ, जुन अघिल्लो वर्षको तुलनामा ३० प्रतिशतले बढि थियो ।

वर्ष २०२५ मा एमजीले वेलायत र युरोपमा आफ्नो हाइब्रिड प्लस सिरिजका १ लाख ३७ हजार युनिट कार बिक्री गरेको छ भने ४६ हजार प्योर इलेक्ट्रिक कार बिक्री गरेको जनाइएको छ ।

२०२५ को पहिलो अर्ध वार्षिकीमा १ लाख ५३ हजार युनिट कार बिक्री गरेर युरोपमा सबैभन्दा धेरै बिक्री हुने चिनियाँ कार ब्रान्ड बनेको एमजीले पहिलोपटक टेस्लालाई समेत उछिनेको थियो ।

कम्पनीले २०२६ को सुरुवातमा समेत युरोपेली बजारबाट निकै राम्रो प्रतिक्रिया पाउने देखिएको छ । जनवरीमा मात्रै एमजीले युरोपमा २६ हजार युनिट कार डेलिभर गरिसकेको उल्लेख गरिएको छ ।