एमजी मोटर्सको नव वर्ष अफर सार्वजनिक, ७ लाख सम्मको छुट

काठमाडौं – एमजीको नेपालका लागि आधिकारिक वितरक पारामाउन्ट मोटर्स प्रालिले नेपाली नयाँ वर्षलाई लक्षित गरेर ‘नयाँ वर्ष २०८१ को बहार एमजीसँग आकर्षक उपहार’ नामक योजना सार्वजनिक गरेको छ । सो योजना अन्तर्गत ग्राहकहरुले ७ लाखसम्मको नगद छुट प्राप्त गर्न सक्नेछन् ।

अफर अन्तर्गत एमजीको ईभी मोडलमा ग्राहकहरुले निःशुल्क टायर, ७ किलोवाटको एसी चार्जर र चालु आर्थिक वर्षको सडक करमा छुट जस्ता विभिन्न फाइदाहरु लिन सक्नेछन् ।

सय वर्ष लामो इतिहास बोकेको विश्वव्यापी रुपमा चर्चा कमाउन सफल बेलायती ब्रान्ड एमजीले नेपालमा पनि अत्याधुनिक प्रविधि, किफायति मूल्य, सहज यात्रा र वातावरणमैत्री विशेषताहरुले गर्दा लोकप्रियता कमाउदै आएको कम्पनीको भनाइ छ ।

३०० भन्दा धेरै दक्ष इन्जिनियरहरुले युरोपेली इन्जिनियरिङ प्राविधिक केन्द्रमा परीक्षण गरेर निर्माण गरेका एमजीका सवारी साधनहरु युरोपेली कानुन र ग्राहकहरुको मागको उचित सम्बोधन गर्नमा प्रसिद्ध छ । यसका साथै एमजी सवारी साधनका सम्पूर्ण भित्री तथा बाहिरी डिजाइनहरु बेलायतका प्रख्यात डिजाइनर तथा इन्जिनियरहरुले गर्छन् ।

अहिले नेपालमा एमजी४ ईभी, जेडएस ईभी र कोमेट ईभी गरी ३ विद्युतीय सवारी र हेक्टर, एचएस र एस्टर गरी ३ इन्धन/हाइब्रिड सवारीहरु उपलब्ध छन् । यी सबै सवारीहरुमा कम्पनीले फरक फरक अफरहरु उपलब्ध गराएको छ ।

कम्पनीका अनुसार एमजीका गाडीहरुमा अधिकतम ७ लाखको नगद छुटसँगै ७ किलोवाटको चार्जर, अतिरिक्त टायर र चालु आर्थिक वर्षको सडक करमा छुट जस्ता थुप्रै फाइदाहरु यस योजनामा समावेश छ ।

यो अफर देशैभरिका एमजीका २१ सोरुमहरुमा उपलब्ध हुनेछ भने ग्राहकहरुले आफ्नो नजिकैको सोरुममा गएर अफरको बारेमा थप जानकारी लिन सक्नेछन्।