अघिल्लो महिना एमजी मोटर इण्डियाले गर्यो हालसम्मकै बढी कार उत्पादन

एमजी मोटर इण्डियाले अघिल्लो महिना हालसम्मकै सर्बाधिक युनिट कार उत्पादन गरेको छ । अक्टोवर महिनामा उसले कुल ५ हजार ८ युनिट कार उत्पादन गरेको हो । जसमध्ये १ हजार युनिट जेडएस इभी रहको बताइएको छ । एमजीले सन् २०२० देखी भारतमा उत्पादन थालेको थियो ।

भारतमा उत्पादन थालेसंगै सेमिकन्डक्टर सहित अन्य कम्पोनेन्टको अभाव झेल्नुपरेको यो ब्राण्डले पछिल्लो समय भारतमै उत्पादित कम्पोनेन्ट प्रयोगमा जोँड दिँदै लगेको छ । साथै पछिल्लो समय सेमिकन्डक्टरको आपूर्ती समेत सहज हुँदै गएको कम्पनीले बताएको छ ।

उत्पादन बढेसंगै गत महिनाको तुलनमा अघिल्लो महिना बिक्री समेत ५३ प्रतिशतले बृद्धि भएको छ । साथै उक्त महिना इभीको विक्री हालसम्मकै उच्च रहेको जनाइएको छ । उत्पादन बढेपछि यसअघि वुकिङ लिएर वसेका ग्राहकलाई गाडी डेलिभरी दिन सहज हुने कम्पनीको भनाई छ ।

एमजीले भारतमा हाल हेक्टर, एस्टर र जेडएस इभी लगायत मोडल उत्पादन गर्दै आइरहेको छ । जसमध्ये जेडएस इभी र एस्टरको सिभिटी र अटोमेटिक मेरिएन्टको माग सवैभन्दा बढि रहेको छ । कम्पनीले निकट भविष्यमै हेक्टरको नेक्स्ट जेनेरेशन मोडल र वुलिङमा आधारित मिनी इभी उतार्ने तयारी गरिरहेको छ ।