एमजी हेक्टरले बनायो नयाँ रेकर्ड, हरेक सडक अवस्थाका लागी अनुकुल रहेको प्रमाणित

एमजीको लोकप्रिय एसयूभी हेक्टरले भारतमा आफ्नो ५ औं वार्षिकोत्सव मनाउँदै महत्वपूर्ण उपलब्धि हासिल गरेको छ । हेक्टरले सबैभन्दा कम उचाईबाट सबैभन्दा उच्च उचाई सम्मको सडक यात्रा शीर्षकमा भारत बुक अफ रेकर्ड्समा नाम लेखाउन सफल भएको हो ।

२७ जुलाई २०२४ मा केरलाको कुट्टानाडबाट सुरु भएर ३० जुलाई २०२४ मा लद्दाखको उम्लिंगलासम्म उक्त यात्रा गरिएको थियो । ६६ घण्टा ५८ सेकेन्डमा ३ हजार ८४६ किलोमिटर कभर गर्र्दै एमजी हेक्टले यो उपलब्धि हासिल गर्ने सबै भन्दा छिटो एसयूभीको पहिचान बनाएको हो ।

हरेक सडक अवस्थाका लागि अनुकूल हुने गरी डिजाइन गरिएका कारण हेक्टरले यस्तो उपलब्धी हाँसिल गर्न सकेको एमजी मोटर इण्डियाले जनाएको छ ।

हाई स्ट्रेन्थ स्टील, हट–स्ट्याम्प गरिएको बी पिलर, बाक्लो ढोका प्यानल र रोल–फर्म गरिएको ट्युबुलर स्टील ढोकाहरूको साथ निर्माण गरिएको हेक्टरमा यात्रुहरूको सुरक्षालाई विशेष ध्यान दिएको छ ।

यो एसयूभीमा ५ वटा एयरब्याग, ३६०–डिग्री एचडी क्यामेरा, इलेक्ट्रोनिक स्टेबिलिटी प्रोग्राम (ईएसपी), ट्र्याक्सन कन्ट्रोल सिस्टम (टिसिएस), हिल असिस्ट कन्ट्रोल (एचएसी), चारवटै चक्कामा डिस्क ब्रेक, सबै सिटहरूका लागि थ्री–प्वाइन्ट सिट बेल्ट, इलेक्ट्रिक पार्किङ ब्रेक र अगाडि पार्किङ सेन्सरहरू राखिएक छन् ।

यस एसयूभीमा ट्राफिक जाम असिस्ट र अटो टर्न इन्डिकेटर्स जस्ता एडभान्स ड्राइभर असिस्टेन्स सिस्टमहरू पनि उपलब्ध छ । जसले सुरक्षित र आरामदायी ड्राइभिङ अनुभव सुनिश्चित गर्छ । एमजी हेक्टरमा भारतकै सबैभन्दा ठूलो ३५.५६ सेमी (१४इन्च) लामो इन्फोटेन्मेन्ट सिस्टम राखिएको छ ।