मारुती सुजुकीको नयाँ ब्रेजा आज लन्च हुँदै , आधुनिक फिचर र आकर्षक डिजाइन हुने

मारुती सुजुकीले आफ्नो लोकप्रिय कम्प्याक्ट एसयूभी ब्रेजाको नयाँ मोडल आज भारतीय बजारमा लन्च गर्दैछ।

कम्पनीले सो एसयूभीको मूल्य ८ लाख ५ हजारदेखि १४ लाख भारुसम्म रहने अपेक्षा गरिएको छ। आकर्षक डिजाइन, आधुनिक सुविधा र रिसेल भ्यालुका कारण नयाँ ब्रेजाले कम्प्याक्ट एसयूभी बजारमा आफ्नो लोकप्रियता अझ मजबुत बनाउने अनुमान गरिएको छ।

सो एसयूभीमा  नयाँ एलईडी हेडलाइट, परिमार्जित फ्रन्ट र रियर बम्पर, नयाँ डिजाइनको टेललाइट, ड्युअल टोन अलोय ह्विल र नयाँ ड्युअल टोन कलर विकल्प उपलब्ध गराएको छ । यसको इन्टेरियरमा पनि केही सुधार गरिएको छ। यसमा नयाँ ड्यासबोर्ड डिजाइन, सफ्ट-टच सामग्री, अपहोल्स्ट्री सिट, एम्बियन्ट लाइटिङ, रियर एसी भेन्ट र कनेक्टिभिटी सुविधा दिइएको छ ।

कम्पनीले नयाँ ब्रेजामा १०.१ इन्चको ठुलो टचस्क्रिन इन्फोटेनमेन्ट सिस्टम, फुल डिजिटल ड्राइभर डिस्प्ले, भेन्टिलेटेड फ्रन्ट सिट, सिंगल पेन सनरुफ, हेड अप डिस्प्ले र ३६० डिग्री क्यामेरा जस्ता फिचर दिइएको छ । साथै यसमा अटोमेटिक क्लाइमेट कन्ट्रोल र कनेक्टेड कार टेक्नोलोजी दिइएको छ ।

सेफ्टीका लागि यसमा सबै भेरिएन्टमा ६ वटा एयरब्याग, इलेक्ट्रोनिक स्टेबिलिट कन्ट्रोल सिस्टम, हिल होल्ड असिस्ट, रियर पार्किङ सेन्सर र आईएसओफिक्स चाइल्ड सिट माउन्ट जस्ता सेफ्टी फिचर समावेश गरिएको छ । यसको टप भेरिएन्टमा लेभल २ एडास समेत उपलब्ध हुने अपेक्षा गरिएको छ।

नयाँ ब्रेजामा १.५ लिटर क्षमताको के१५सी पेट्रोल इन्जिन हुने सम्भावना छ, जसले १०३ पीएस पावर र १३९ एनएम टर्क उत्पादन गर्नेछ। यसको इन्जिन ५ स्पिड म्यानुअल वा ६ स्पिड अटोमेटिक गियरबक्सको विकल्प उपलब्ध हुनेछ। साथै १.० लिटर टर्बो पेट्रोल इन्जिन पनि थपिने सम्भावना रहेको छ, जसले ९९ बीएचपी पावर र १४८ एनएम टर्क उत्पादन गर्नेछ। कम्पनीले नयाँ ब्रेजाको सिएनजी भेरिएन्ट पनि उपलब्ध गराउने अपेक्षा गरिएको छ ।

नयाँ ब्रेजाले टाटा नेक्सन, किया सोनेट र महिन्द्रा एक्सयूभी ३एक्सओ जस्ता मोडलसँग प्रतिस्पर्धा गर्नेछ ।