९ हजार ९२५ युनिट वागन आर, इग्निस र सेलिरियो फिर्ता लिँदै मारुती सुजुकी, यस्तो छ कारण

मारुती सुजुकीले यसै वर्षको अगस्ट ३ देखी सेप्टेम्वर १ सम्म उत्पादन भएका वागन आर, इग्निस र सेलेरियोको कुल ९ हजार ९२५ युनिट कार बजारबाट फिर्ता लिने निर्णय लिएको छ । पछाडीको व्रेक एसेम्वली पिनमा समस्या आउन सक्ने भन्दै उसले यी कार फिर्ता लिन लागेको हो ।

व्रेक एसेम्व्ली पिनमा समस्या आउँदा यसले तत्कालै कुनै जोखिम नमिम्ताए पनि कालन्तरमा वे्रकिङ सिस्टममा समस्या आई दुर्घटना हुनसक्ने बताउँदै यी कार फिर्ता लिन लागिएको कम्पनीले जनाएको छ । यसरी फिर्ता वोालाइने कारको सम्पूर्ण पार्टपूर्जाको सुक्ष्म निरिक्षण गरी समस्या देखिएको खण्डमा त्यस्ता पार्ट्सको सट्टामा नयाँ पार्ट्स जडान गरिने कम्पनीको भनाई छ । यसरी पार्ट्स रिप्लेस गर्दा ग्राहकले कुनै अतिरिक्त शुल्क तिर्नु नपर्ने कम्पनीले बताएको छ ।

यो समय अवधीमा उत्पादन भएका यी मोडलका कार नेपाल नआइसकेका कारण नेपाली उपभोक्ताले भने यो विषयमा कुनै चिन्ता लिनुपर्ने देखिँदैन ।