२०१४ मा लन्च भएको मिड साइज सेडान कार सियाजले पार ग-यो ३ लाख बिक्री आँकडा

मारुती सुजुकीको मिड साइज सेडान कार सियाजले घरेलु बजारमा ३ लाख बिक्रीको आँकडा पार गरेको छ । सियाजको प्रतिस्पर्धा होन्डा सिटी, हुन्डाई भरना, फक्सवागन भेन्टो र स्कोडा ¥यापिडसँग हुने गरेको छ ।

मारुती सुजुकी इन्डियाका सिनियर एक्जिक्युटिभ डायरेक्टर, मार्केटिङ एवम् सेल्स, शशांक श्रीवास्तवले २०१४ मा लन्च भए यता सियाजले स्पेस र डिजाइनमा प्रतिस्पर्धी प्रिमियम सेडान सेगमेन्टमा शानदार सफलता हासिल गरेको जानकारी दिएका छन् ।

मारुती सुजुकी सियाजले केही महिनादेखि बिक्रीको मामलामा होन्डा सिटी र हुन्डाई भरनालाई उछिनेको छ । बिक्री रिपोर्ट अनुसार जुलाई २०२१ मा सियाज १४५० युनिट बिक्री भएको थियो भने होन्डा सिटीको ३६२७ युनिट र भरनाको १८२७ युनिट बिक्री भएको थियो । गत वर्ष अगस्त २०२१ मा सियाज २१४६ युनिट, भरना २०९८ युनिट र होन्डा सिटी ३२८४ युनिट बिक्री भएको थियो ।

सियाजमा शार्प फ्रन्ट ग्रिल, स्लिक बम्पर र एलईडी प्रोजेक्टर हेडल्याम्पको साथै डे टाइम रनिङ लाइट उपलब्ध रहेको छ । सियाजमा १.५ लिटर ४ सिलिन्डर के१५बी माइल्ड हाइब्रिड पेट्रोल इन्जिन समावेश गरिएको छ ।

सो इन्जिनले १०४.७ पीएसको पावर र १३८ एनएमको टर्क जेनेरेट गर्छ । जसमा ५ स्पिड म्यानुअल ट्रान्समिशन वा ४ स्पिड टर्क कन्भर्टरको विकल्प रहेको छ । कम्पनीले सियाजको ४ भेरिएन्ट सिग्मा, डेल्टा, जेटा, अल्फा र एसमा उपलब्ध रहेको छ ।

नेपाली बजारमा सुजुकी सियाज कार डेल्टा, जेटा र अल्फा भेरिएन्टमा उपलब्ध छ । यसको मूल्य क्रमशः ३८ लाख ५९ हजार, ४४ लाख १९ हजार र ४४ लाख ५९ हजार रुपैयाँ छ ।