अझै स्पष्ट देखियो सुजुकीको नयाँ सेलेरियो, यही महिना लन्च हुने

मारुती सुजुकीले यही महिना भारतीय बजारमा नयाँ सुजुकी सेलेरियो सार्वजनिक गर्ने सम्भावना देखिएको छ । सो कारको टेस्ट म्युल टीभी कमर्सियलमा देखिएको छ । यसमा कारको डिजाइन झलक देख्न सकिन्छ ।

तस्बिर अनुसार यो कार हनिकम्ब मेस ग्रिलका साथ आउने छ । त्यसैगरी कारमा ट्राएंगुलर हेडल्याम्प, ब्ल्याक अलोय ह्विल र फगल्याम्प दिइएको छ । त्यसैगरी इन्डिकेटर माउन्टेड ओआरभीएम र ¥याप अराउन्ड टेललाइट हुनेछ । कारमा मल्टी स्पोक अलोय ह्विलका साथै रियर इन्डमा विन्डो वाइपर पनि हुने बताइएको छ ।

यो कार १.० लिटर र १.२ लिटर पेट्रोल इन्जिनका साथ उपलब्ध हुनेछ, जसले क्रमशः ६८ र ८३ एचपी पावरका साथै ९० र ११३ एनएम टर्क जेनेरेट गर्नेछ । कारमा ५ स्पिड म्यानुअल र अटोमेटिक गियरबक्स हुनेछ ।

मारुती सुजुकीको यो कार हर्टेक्ट प्लेटफर्ममा आधारित छ । यही प्लेटफर्ममा वागर आर र एस–प्रेसो जस्ता कार पनि आधारित छन् । नयाँ सेलेरियो पहिले भन्दा बढी क्याबिन स्पेसका साथ उपलब्ध हुनेछ । त्यसैगरी समग्र डिजाइनले गर्दा कारको लुक पनि निकै नै फ्रेस देखिने छ ।