मारुती सुजुकीले उत्पादन गर्यो २२ लाख ५० हजार युनिट कार, यी हुन् शीर्ष ५ मोडल

काठमाडौं–मारुति सुजुकीले २०२५ मा कीर्तिमानी उत्पादन हासिल गरेको छ । कम्पनीले एकै वर्षमा पहिलोपटक २२ लाख ५० हजार कार उत्पादन गरेर नयाँ रेकर्ड बनाएको हो ।

कार निर्माताको वार्षिक उत्पादन लगातार दोस्रो वर्ष २० लाख युनिट नाघेको जनाइएको छ । कम्पनीले उत्पादन गरेको शीर्ष पाँच मोडलमा फ्रंक्स, बलेनो, स्विफ्ट, डिजायर र एर्टिगा रहेका छन् ।

मारुति सुजुकीले १९८३ मा हरियाणाको गुडगाउँमा रहेको आफ्नो पहिलो उत्पादन युनिटबाट सञ्चालन सुरु गरेको थियो । वर्षौंको दौडान कार निर्माताले नयाँ प्लान्ट थपेर आफ्नो क्षमता विस्तार गर्दै आएको छ ।

२०२१ मा १६ लाख २९ हजार कार बिक्री गरेको कम्पनीले २०२२ मा १९ लाख १६ हजार यूनिट पुर्याएको थियो । २०२३ मा १९ लाख ३४ हजार युनिट कार उत्पादन गरेको मारुतीले अघिल्ले वर्ष अर्थात २०२४ मा २० लाख ६३ हजार युनिट कार उत्पादन गरेको थियो ।