यी ५ मोडललाई सुजुकीले ल्यायो व्ल्याक एडिसनमा

मारुती सुजुकीले आफ्नो ४० औं वार्षिकोत्सवको अवसर पारेर व्ल्याक एडिसन लन्च गरेको छ । नेक्सा डिलरसिप मार्फत विक्री हुँदै आइरहेका सियाज, इग्निस, वलेनो एक्सएल६ र ग्रान्ड भिटरमा व्ल्याक कलर दिएर उसले यो नयाँ एडिसन लन्च गरेको हो । यो नयाँ एडिसनका लागी ग्राहकले अतिरिक्त मूल्य तिर्नु नपर्ने जनाइएको छ ।

सुजुकीले सियाज र वलेनोको सवै भेरियन्टमा व्ल्याक कलर थिम दिएको छ भने वाँकी ४ मोडलमा भने केही भेरियन्टलाई मात्र यो नयाँ कलरका साथ उतारेको छ । नयाँ एडिसनमा आएका इग्निसको जेटा र अल्फा ट्रिमको मूल्य ६ लाख ४७ हजारदेखी ७ लाख ७२ हजार भारुसम्म निर्धारण गरिएको छ ।

यसैगरी एक्सएल६ को अल्फा र अल्फा प्लस ट्रिमको टप स्पेकको मूल्य १२ लाख २९ हजारदेखी १४ लाख ३९ हजार भारु तोकिएको छ । ग्रान्ड भिटरको भने जेटा, जेटा प्लस, अल्फ र अल्फा प्लस ट्रिमलाई व्ल्याक एडिसनमा तयारी पारिएको छ । जसको मूल्य १३ लाख ८९ हजारदेखी १९ लाख ४९ हजार भारुसम्म निर्धारण गरिएको छ ।