महिन्द्रा बीई६ र एक्सईभी ९ई युरोप निर्यात हुने तयारीमा

महिन्द्राले आफ्नो दुई नयाँ ईभीलाई बेलायत र युरोपेली बजारमा निर्यात गर्ने योजना बनाएको छ । जसका लागि कम्पनीले बीई६ र एक्सईभी ९ईको विशिष्ट भेरियन्टहरूमा काम गरिरहेको बताइएको छ ।

मिडिया रिपोर्टका अनुसार, युरोपेली बजारमा निर्यात गर्नका लागि महिन्दौले छुट्टै परियोजना बनाएको र यसका लागि लागि विशेष कोडहरू समेत तोकिएको छ ।

महिन्द्रले हाल यी ईभीलाई दक्षिण अफ्रिका, मध्य पूर्व, अष्ट्रेलिया, न्यूजील्याण्ड, श्रीलंका, फिलिपिन्स र नेपालमा निर्यात गर्दै आएको छ । बेलायत र युरोपेली बजार हाल बीवाईडी, लिपमोटर र एमजी जस्ता चिनियाँ ब्रान्डहरूको प्रभुत्वमा रहेको छ ।

महिन्द्राले हालै हस्ताक्षर गरिएको भारत–बेलायत स्वतन्त्र व्यापार सम्झौताबाट लाभ उठाउनका लागि समेत बेलायतमा कार निर्यात छिट्टै थाल्ने जनाइएको छ । यस सम्झौताले कम्पनीलाई आफ्ना चिनियाँ प्रतिद्वन्द्वीहरूमाथि फाइदा पु¥याउनेछ ।

महिन्द्राले हालै आफ्नो नयाँ प्लेटफर्म सार्बजनिक गरेर आँफू युरोपेली बजारमा प्रवेश गर्न आतुर रहेको सन्देश दिएको छ । युरो एनक्याप र अष्ट्रेलियाली एनक्याप मापदण्ड अनुसार डिजाइन गरिएकाले सो नयाँ प्लेटफर्ममा आधारित भविष्यका ईभीलाई युरोपेली र अष्ट्रेलियाली बजारहरूमा प्रतिस्पर्धा गर्न सक्षम बनाउनेछ ।