तमिलनाडुमा महिन्द्राको ट्रयाक निर्माण, महिन्द्राका सबै गाडी यही परीक्षण हुने

महिन्द्राले तमिलनाडुको कांचिपुरममा नयाँ स्टेट अफ दि आर्ट महिन्द्रा एसयूभी प्रोभिङ ट्रयाक (एमएसपीटी) सञ्चालनमा ल्याएको छ । यहाँ महिन्द्राका एसयूभी परीक्षण गरिनेछ ।

४५४ एकड जमिनमा फैलिएको
कम्पनीले यसका लागि ५१० करोड भारु बजेट छुट्याएको थियो । साथै महिन्द्राको उक्त ट्रयाक ४५४ एकडमा फैलिएको छ । ट्रयाकको जमिन एलएन्डटीको हो । जसलाई अटोमोटिभ टेक्नोलोजी इन्डिया (५० वर्षको अनुभव भएको स्पेनिस संस्था) आईडीआईएडीएले डिजाइन गरेको हो । सो ट्रयाक निर्माण गर्नका लागि ३ वर्षको समय लागेको थियो ।

२० प्रकारको परीक्षण गर्न सक्ने
सो ट्रयाकमा २० प्रकारले परीक्षण गर्न सक्ने गरी निर्माण गरिएको छ । यसमा ४३७ डिग्री प्यारोबोलिक ब्यांकिङ उपलब्ध रहेको छ । उक्त ट्रयाकमा २०० किलोमिटर प्रतिघन्टाको स्पिडमा सवारी साधन ड्राइभ गर्न सकिन्छ ।

६ फरक फरक लेबलमा ब्रेकिङ प्याड उपलब्ध
गोलाकारको सो प्लेटफर्म २५० मिटरमा बनेको छ । जहाँ फोर बाई फोर एड्भेन्चर ट्रयाक र एडब्ल्यडी भेइकल परीक्षणका लागि २५ भन्दा बढी अप्ठ्यारो सडक जोडिएको छ । ६ फरक फरक लेबलमा ब्रेकिङ प्याड रहेको छ ।

गाडीको ब्रेकिङ परीक्षणको लागि हिलो र सुख्खा बाटो पनि रहेको छ । जहाँ एबीएस, ईएसपी र टीसीएसको ब्रेकिङ फिचर जाँच गरिनेछ । सो ट्रयाकमा गाडीको सबै प्रकारको फिचरको परीक्षण गर्न सक्षम रहेको छ ।