महिन्द्राका एसपी प्लस ट्रयाक्टर सिरिज नेपालमा

काठमाडौं – महिन्द्रा समूहको एक हिस्सा महिन्द्राको फार्म इक्विपमेन्ट सेक्टर (एफईएस) ले आफ्नो सबै नयाँ ‘एसपी प्लस’ ट्रयाक्टर श्रृंखला नेपालमा सुरुवात गरेको छ । यी ट्रयाक्टरहरू महिन्द्राको उन्नत ईएलएस इन्जिन र रिभर्स पीटीओ सहितको डुअल क्लच, उच्चलिफ्ट क्षमतायुक्त हाइड्रोलिक, सजिलो गियर सिफ्ट ट्रान्समिसन र तेल इमस्र्ड ब्रेकहरू जस्ता उत्पादकत्व वृद्धि गर्ने सुविधाहरूद्वारा सञ्चालित भएको बताइएको छ । ट्रयाक्टरले कृषि र ढुवानी उपयोगहरूमा किसानको उत्पादकत्वमा वृद्धि गर्ने लक्ष्य राखेको छ ।

नयाँ महिन्द्रा एसपी प्लस ट्रयाक्टरहरु क्रमशः जेठ ७, ८ र ९ गते क्रमशः विर्तामोड, विराटनगर र जनकपुरमा बिक्री शुभारम्भ गरिएको थियो । शुभारम्भ कार्यक्रममा महिन्द्रा एण्ड महिन्द्रा लि. (भारत) र अग्नि ग्रुपका प्रतिनिधि, स्थानीय डिलर, स्थानीय उद्योग वाणिज्य संघ र सञ्चारकर्मीहरूको उपस्थिति रहेको थियो । छिट्टै नै नयाँ एसपी प्लस सिरिजको ट्रयाक्टर यसै हप्तासम्ममा वीरगन्ज, चितवन र नेपालगन्जमा पनि सार्वजनिक (लन्च) हुने कम्पनीले बताएको छ ।

अग्नि ग्रुपका प्रबन्ध निर्देशक क्याबिनेट श्रेष्ठका अनुसार किसानलाई अझ धैरै कार्य गर्न र आफ्नो कृषि उत्पादकत्वलाई अर्को स्तरसम्म पु-याउन सक्षम बनाउने नयाँ एसपीप्लस श्रृङ्खला प्रस्तुत गर्न पाउँदा गौरवान्वित भएको बताए ।

उन्नत ईएलएस (एक्स्ट्रा लङ्ग लामो स्ट्रोक) डीआई इन्जिनद्वारा सञ्चालित एसपी प्लस ३० एचपीदेखि ५० एचपी सम्मका श्रेणीमा शक्तिशाली र इन्धन किफायती छ । श्रृंखलामा चार हर्सपावर प्वाइन्ट– २७५ डीआई एसपी प्लस (३९ एचपी), ४१५ डीआई एसपी प्लस (४२ एचपी), ५७५ डीआई एसपी प्लस (४७ एचपी) र ५८५ डीआई एसपी प्लस (५० एचपी) मा विस्तारित मोडलहरू समावेश छन् ।
महिन्द्राले यी ट्रयाक्टरमा ६ वर्षे वारेन्टी अफर गरी बजारमा अग्रणी स्थान ओगटदै आएको बताएको छ ।