यस्तो हुनेछ महिन्द्राले ल्याउने स्कोर्पियो एक्स पिकअप मोडल

महिन्द्राले हालै स्कोर्पियो एक्स नाम दर्ता गरेसँगै कम्पनीले स्कोर्पियो एन एसयूभीमा आधारित नयाँ पिकअप मोडल ल्याउने तयारी गरिरहेको अनुमान गरिएको छ । कम्पनीले यसको कन्सेप्ट मोडल गत वर्ष दक्षिण अफ्रिकामा सार्वजनिक गरेको थियो ।

स्कोर्पियो एक्स पिकअप मोडलको तयारी संस्करण सन् २०२५ मा लन्च हुने अपेक्षा गरिएको छ । यसको कन्सेप्ट मोडल गत वर्ष परीक्षणको समयमा पनि देखिएको थियो । यद्यपि यसमा स्कोर्पियो क्लासिकको डिजाइन एलिमेन्ट र टेललाइट समावेश थिए ।

महिन्द्राको सो पिकअप मोडल नयाँ जेनरेशनको एमहक डिजेल इन्जिनद्वारा संचालित हुन सक्ने अनुमान गरिएको छ । यसको इन्जिन ६ स्पिड म्यानुअल र अटोमेटिक गियरबक्समा जोडिनेछ । साथै यसमा फोर ह्विल ड्राइभ सिस्टम पनि उपलब्ध हुनेछ ।

सो कार भारतमा भन्दा पहिला दक्षिण अफ्रिका, अष्ट्रेलिया, न्यूजिल्याण्ड जस्ता देशहरू र दक्षिण अमेरिकी देशमा लन्च गरिनेछ । यसले टोयोटा हाइलक्स र इसुजु डी–म्याक्स भी–क्रससँग प्रतिस्पर्धा गर्नेछ ।