महिन्द्राले रच्यो इतिहास : विश्वको टप २५ अटो कम्पनीमा सामेल

भारतको प्रसिद्ध अटो निर्माता कम्पनी महिन्द्रा एन्ड महिन्द्राले आर्थिक वर्ष २०२३ मा सानदार मुनाफा हासिल गर्दै संसारको टप २५ अटो निर्माता कम्पनीमा सामेल भएको छ ।

ब्लुमबर्गका अनुसार उक्त आर्थिक वर्षमा १० हजार २८२ करोड भारु अर्थात १३० करोड डलर खुद नाफा आर्जन गरेर सो कम्पनी २२औं स्थानमा रहन सफल भएको हो । अब -यांकिङको आधारमा महिन्द्रा जापनिज कम्पनी यामाहा र मित्सुबिसीको बीचमा रहेको छ ।

हाल सम्म भारतीय अटो निर्माता कम्पनी मध्ये १० हजार करोड भन्दा बढी मुनाफा आर्जन गर्ने कम्पनी टाटा मोटर्स मात्र रहेको थियो भने अब महिन्द्रा यसमा सामेल भएको छ ।

महिन्द्रा एन्ड महिन्द्रा अटोमोटिभ सेगमेन्टमा सफल हुनुका साथै सफल मेगा लन्च र कृषि उपकरण तथा फाइनान्सियल सर्भिस युनिटको योगदानका कारण समेत यस्तो सफलता हासिल भएको हो ।

सो सूचीमा जापानका ६ अटो निर्माता कम्पनी सामेल छन् । ती मध्ये सुजुकी सबैभन्दा माथिल्लो स्थानमा छ । त्यसैगरी चीन र जर्मनीका चार चार अटोमोबाइल कम्पनी छन् । सबैभन्दा पहिलो नम्बरमा जापानको टोयोटा रहन सफल भएको छ ।

अमेरिकी कम्पनी टेस्ला, जनरल मोटर्स र फोर्ड क्रमशः ५, ७ र १३औं स्थानमा छन् ।