३० लाख भारु पर्ने म्युजिक सिस्टम, जुन मूल्यमा टोयोटा फर्चुनर खरिद गर्न सकिन्छ

भारतमा हालसालै एक नयाँ महंगो म्युजिक सिस्टम लन्च गरिएको छ । दुई प्रख्यात अटो कम्पोनेन्ट निर्माता लुम्याक्स र अल्पाइनको संयुक्त साझेदारीमा निर्माण गरिएको यो अल्ट्रा प्रिमियम म्युजिक सिस्टमको मूल्य ३० लाख भारु पर्ने जनाइएको छ । यो म्युजिक सिस्टमका लागी खर्च हुने उक्त रकमले भारतमा टोयोटा फर्चूनर एसयुभी खरिद गर्न सकिन्छ ।

प्रिमियम फिचर्सले भरिपूर्ण यो म्युजिक सिस्टम हालसम्मकै अत्याधुनिक र सुविधासम्पन्न रहेको दावी गरिएको छ । ३८४ किलोहर्ज÷३२ विट प्लेव्याक क्षमता भएको यो सिस्टममा सिडीको तुलनामा १७.१ गुना बढी सुचना स्टोर गर्न सकिन्छ । साथै म्युजिक सुन्दा लाइभ पर्फमेन्स सरहको आनन्द महशुस गर्न सकिन्छ ।

प्रिमियम हेड युनिट र डिजिटल साउन्ड प्रोसेसर सामेल गरिएको यो सिस्टम फ्लोटिङ डिजाइनका साथ ७, ९ र ११ इन्चको टचस्क्रिन डिस्प्लेमा उपलब्ध रहेको छ । मिडिया र नेभिगेसनका लागि एप्पल कार प्ले, एन्ड्रोइड अटो र गुगल असिस्टेन्ट जस्ता कनेक्टिभिटी एप्सलाई सजिलै सपोर्ट गर्न सक्ने यो सिस्टमलाई सजिलोसंग प्रयोग गर्न सकिने बताइएको छ । यी वाहेक यो सिस्टममा अन्य थुप्रै अत्याधुनिक विशेषताहरु समेत उपलब्ध गराइएको छ ।