८१ लाख ९९ हजारमा लङ रेन्ज एमजी जेडएस ईभी

काठमाडौं – नेपालका लागि एमजीको आधिकारिक वितरक पारामाउन्ट मोटर्सले लङ रेन्ज एमजी जेडएस ईभी नेपाली बजारमा उपलब्ध गराएको छ । कम्पनीको नक्साल शोरुममा टेस्ट ड्राइभ समेत गर्न सकिने सो ईभीको मूल्य ८१ लाख ९९ हजार रुपैयाँ तोकिएको छ ।

गत वर्षको फागुन महिनामै नेपाली बजारमा सार्वजनिक गरिएको भए पनि यो गाडी कम्पनीले ग्राहकलाई उपलब्ध गराएको थिएन । सरकारले बजेटमार्फत कर बढाए पछि बुकिङ गरेका ग्राहकले समेत गाडी नपाएर पैसा फिर्ता लिनु परेको थियो ।

लङ रेन्ज एमजी जेडएस ईभीमा ७२.६ किलोवाट ब्याट्री छ, जसको रेन्ज ४४० किलोमिटर हुनेछ । सो गाडीको ग्राउन्ड क्लियरेन्स १७५ एमएम छ ।

यसको इन्टेरियरमा १०.१ इन्चको टचस्क्रिन इन्फोटेनमेन्ट सिस्टम र ७ इन्चको डिजिटल ड्राइभर डिस्प्ले रहेको छ । यसका साथै रोटरी डायल गियर नब, ड्राइभिङ मोड र ब्रेकिङ रिजेनेरेसन रहेको छ । यसमा हेडल्याम्प, इन्टिग्रेटेड एलईडी डीआरएल, एलईडी टेलल्याम्प आदि छन् ।

यो गाडीमा एमजी पाइलट नाम दिइएको अटोमेटिक इमर्जेन्सी ब्रेकिङ सहितको एड्भान्स्ड ड्राइभर असिस्टेन्स सिस्टम रहेकोले निकै नै सुरक्षित मानिएको छ । यसमा १३० एचपीको पावर र २८० एनएमको टर्क भएको पर्मानेन्ट म्याग्नेट सिंक्रोनस मोटर रहेको छ ।

यो गाडी ८.५ सेकेन्डमा १०० किलोमिटर प्रतिघण्टाको गतिमा गुड्न सक्छ । एमजीको ग्लोबल डिजाइन भएको यो गाडीमा पानोरामिक सनरुफ, १७ इन्चको डायमन्ड कट अलोय ह्विल र २.५ को पीएम फिल्टर लगायतका धेरै सुविधा रहेका छन् ।

एमजी जेडएस ईभी २०२२ मा पावर्ड ड्राइभर सिट, अटोमेटिक हेडलाइट र वाइपर, कनेक्टेड कार टेक्नोलोजी, ६ वटा एयरब्याग, हिल स्टार्ट, हिल डिसेन्ट कन्ट्रोल, अल ह्विल डिस्क ब्रेक, टायर प्रेसर मोनिटरिङ सिस्टम, अडेप्टिभ क्रुज कन्ट्रोल, लेन किप असिस्ट र ३६० डिग्री क्यामेरा जस्ता विभिन्न फिचर उपलब्ध छन् ।