२५७५ किलोमिटर रेन्ज दिने इलेक्ट्रिक कार !

जर्मनीको एक टेक्निकल युनिभर्सिटीका विद्यार्धीले हालसम्मकै सर्बाधिक बढी रेन्ज दिने इलेक्ट्रिक कार निर्माण गरेका छन् । टेक्टिनकल युनिभर्सीटी अफ म्यूनिखका विद्यार्थीहरुले बनाएको एक सीटको नयाँ इलेक्ट्रिक कारले सिंगल चार्जमा २५७५.७९ किलोमिटर रेन्ज दिएको दावी गरिएको हो ।

सो ईभीको प्रोटोटाइपलाई उनीहरुले ‘म्यूक०२२’ नाम दिएका छन् । यसलाई चलाउँदा प्रति किलोवाट आवर १०३ माइल विद्युत खपत भएको जनाइएको छ । यसअघि मर्सिडिज बेन्जको भीजन ईक्यूएक्सएक्सले सिंगल चार्जमा १६०८ किलोमिटर रेन्ज दिएको थियो ।

कार निर्माणमा संलग्न विद्यार्थीहरुको टोलिले कारलाई मोडिफिकेसन गरेर एरोडाइनामिक लुक्स दिएका थिए भने यसको तौल समेत सक्दो कम गरेका थिए । १५.५ किलोवाट आवरको ब्याट्री प्याक जडान गरिएको कारको तौल जम्मा १७० किलोग्राम रहेको थियो ।

उनीहरुले यसलाई आईएए मोविलिटी शोमा समेत प्रर्दशन गरेका थिए । जहाँ गीनिज वल्र्ड रेकर्डका प्रतिनिधीले हालसम्मकै सर्बाधिक रेन्ज दिने कारको अवार्ड दिएका थिए ।