बाइकको ह्यान्डल बारमा लिमिटेड एडिसन नम्बर, यसकारण छ विशेष

काठमाडौं – सीएफमोटो २५० एनके बाइक नेपाली बजारमा हाल चर्चाको विषय बनेका छन् । विश्वभर २ सय युनिट मात्र उत्पादन गरिने यी बाइक नेपाली बजारमा पनि उपलब्ध भएका छन् । यसको ह्यान्डलबारमा लेखिएको अंकको आधारमा समेत यो बाइकको फरक पहिचान कायम गरेको पाइन्छ ।

यसलाई नयाँ ग्राफिक्समा डिजाइन गरिएको छ भने इन्धन ट्यांकीमा सीएफमोटो प्रिन्ट गरिएको छ ।

यसको ह्यान्डलबारमा लिमिटेड एडिसनको १ देखि २०० सम्म नम्बर नै लेखिएको हुन्छ । यसमा गोल्डेन कलरको चेन, कार्वन विन्डसिल्ड, एलईडी डीआरएल हेडलाइट र एल्लो कलरको ह्विल प्रयोग गरिएको छ । बाइकमा कलर टीएफटी डिस्प्ले, इन–बिल्ट लाइट सेन्सर, स्टाइलिस एलईडी लाइट, ड्युअल च्यानल एबीएस र विभिन्न प्रकारका राइडिङ मोड उपलब्ध छन् ।

सीएफ मोटो २५० एनके जस्तै अन्य सबै फिचर यसमा उपलब्ध छन् । मेकानिकल परिवर्तन केही गरिएको छैन ।

सीएफ मोटो २५० एनकेमा २५० सीसी सिंगल सिलिन्डर, ४ भल्व लिक्विडकुल्ड इन्जिन जडान गरिएको छ । जसले ९००० आरपीएममा २६.५ बीएचपी र ७५०० आरपीएममा २२ एनएमको पिक टर्क जेनेरेट गर्छ ।

हालै नेपाली बजारमा उपलब्ध सीएफमोटो बाइकको लिमिटेड एडिसनमा २० हजार रुपैयाँ छुट हुने भएको छ । सीएफमोटो बाइकको नेपालका लागि आधिकारिक वितरक अन्ना इन्टरनेसनल प्रालिले सो अफर ल्याएको हो ।

नेपाली बजारमा यसको मूल्य ५ लाख ५५ हजार ५ सय रुपैयाँ तोकिएको छ ।