इन्डोनेसियामा जीएसीको ‘लाइटहाउस फ्याक्ट्री’ सञ्चालनमा, ईभीमा नेपालकै लेभलको प्रतिस्पर्धा

ईभी निर्माता कम्पनी जीएसीले इन्डोनेसियाको जकार्तामा औपचारिक रुपमा नयाँ स्मार्ट फ्याक्ट्री संचालनमा ल्याएको छ । जीएसी इन्टरनेसनल र जीएसी एवोनका अन्तर्राष्ट्रिय प्रतिनिधि तथा इन्डोनेसियाको आधिकारिक वितरक इन्डोमोबिल ग्रुपका प्रतिनिधिहरुको उपस्थितिमा सो भव्य लन्च समारोह सम्पन्न भएको थियो ।

जीएसीले एसियन रिजनका लागि ल्याएको ‘वान जीएसी २.०’ रणनीति अन्तर्गतको सो स्मार्ट फ्याक्ट्रीलाई ‘लाइटहाउस फ्याक्ट्री’ भनिएको छ । सो इभेन्टको अवसरमा कम्पनीले इन्डोनेसियाका लागि ल्याएको एक्सन प्लान ‘इग्नाइट द लाइटहाउस, ड्राइभिङ द फ्युचर’ समेत सार्वजनिक गरेको थियो ।

एसियन रिजका लागि केन्द्रित गरेर संचालनमा आउने सो फ्याक्ट्रीबाट कम्पनीले न्यु इनर्जी भेइकल अर्थात एनईभीको उत्पादन गर्नेछ । यहाँबाट गाडी निर्यात समेत गरिने छ ।

जीएसीले हाल इन्डोनेसिया र मलेसिया लगायतका देशमा एवोन वाई प्लस र एवोन ईएस ईभीको बिक्री गरिरहेको छ । त्यसैगरी एवोन भी केही समय पहिले सम्पन्न मलेसिया अटो शो २०२५ मा प्रदर्शन गरिएको थियो । यो वर्षको थर्ड क्वाटरमा सो ईभी लन्च गर्ने योजना छ ।

नेपालमा समेत जीएसीका विभिन्न मोडल उपलब्ध छन् । जीएसी एवोन भी नेपाली बजारमा पहिले देखि नै उपलब्ध मोडल हो । नेपाली बजारमा सीजी मोटर्सले एवोन भी र एवोन वाई बिक्री–वितरण गरिरहेको छ ।

एसियन राष्ट्रमा जीएसी ब्रान्डका यी सवारी साधनको प्रतिस्पर्धा प्रोटोन ईमास ७ र बीवाईडी एट्टो ३ सँग हुने बताइएको छ । नेपालमा पनि यी तीनै ब्रान्डको बलियो उपस्थिति छ ।