ह्यामिल्टनले जिते स्पेनिस ग्रांपी

लुइस ह्यामिल्टनले रोमान्चक मोडमा लुइस भेर्सटापनलाई हराएर स्पेनिस ग्रान्ड प्रिक्स (ग्रांपी) जितेका छन् । आइतबार सम्पन्न सो प्रतिस्पर्धामा तेस्रो स्थानमा मर्सिडिज ड्राइभर भाल्टेरी बोटास रहे ।

ह्यामिल्टनले पोल पोजिसनमा सुरुवात गरेका थिए, तर केही समयमै भेर्सटापनले उनलाई पछि छोडे । फेरि पोल पोजिसन पुग्न ६ ल्याप मात्र बाँकी रहदा ह्यामिल्टन अगाडि बढेका थिए ।

शनिबार आफ्नो करियरमा १०० पटक पोल पोजिसन पुगेका ह्यामिल्टनले ९८औं जित हात पारेका हुन् । यो भन्दा पहिले ६ पटक स्पेनिस ग्रांपी जितेका माइकल शुमाकरको बराबर उपलब्धि ह्यामिल्टनले समेत हासिल गरेका छन् ।

लुइस ह्यामिल्टन बेलायती रेसिङ कार ड्राइभर हुन् । उनले हाल मर्सिडिजमार्फत फर्मुला वान रेसिङमा प्रतिस्पर्धा गरिरहेका छन् । स्पेनको सर्किट डे बार्सिलोना–काटालुनियामा सो रेसिङ भएको थियो । यो २०२१ फर्मुला वान वर्ल्ड च्याम्पियनसिपको चौथो चरण थियो ।