लिपमोटरले ल्यायो अनबोर्ड अक्सिजन जेनेरेटर भएको नयाँ एसयूभी

लिपमोटरले डी प्लेटफर्ममा आधारित आफ्नो फ्ल्यागशिप एसयूभी डी १९ सार्बजनिक गरेको छ । पूर्ण आकारको सो एसयूभी ईभी र विस्तारित रेन्ज ईभी(इआरईभी) दुबै दुवै भेरिएन्टमा उपलब्ध हुने जनाइएको छ ।

२०२६ को मध्येतिर लन्च हुने अपेक्षा गरिएको डी१९ को ईभी संस्करणले फुल चार्जमा ७२० किलोमिटरसम्म रेन्ज दिने दाबी गरिएके छ । एसयूभीमा अनबोर्ड अक्सिजन जेनेरेटर र डुअल क्वालकम स्न्यापड्रागन ८७९७ चिप्स जडान गरिएको छ, जसले यसलाई प्रतिस्पर्धी ब्रान्डको तुलनामा विशेष बनाएको छ । कारमै अक्सिजन जेनेरेटर राखिएको यो अटोमोबाइल उद्योगकै पहिलो उत्पादन हो ।

‘टेक्नोलोजी नेचुरल एस्थेटिक्स २.०’ डिजाइन ल्यांग्वेजमा तयार पारिएको डी१९ को अगाडिक भागमा प्रोजेक्टरको रूपमा प्रयोग गर्न सकिने तीन–चरणको हेडलाइट क्लस्टर र वातावरणीय अवस्थाको आधारमा स्वचालित रूपमा खोल्न/बन्द गर्न सकिने ग्रिल जडान गरिएको छ । साथै कारको रुफमा लिडर समेत राखिएको छ ।

लिपमोटरले डी१९ मा ११५ किलोवाट आवरको ब्याट्री प्याक जडान गरेको छ भने यसको संयुक्त पावर आउटपुट ५४० किलोवाट रहेको छ ।

पर्फमेन्सका मामलमा समेत यो कार निकै मजवुत देखिएको छ । जसलाई ० देखि १०० किमी प्रतिघण्टाकाे एक्सेलेरेशन लिन जम्मा ३ सेकेन्ड भन्दा कम समयत लाग्छ । १००० हाई भोल्टेज प्लेटफर्ममा बनेका कारण यसलाई जम्मा १५ मिनेटको चार्जमै ३५० किलोमिटर भन्दा बढिको दुरीमा चलाउन सकिन्छ ।