तातोपानी भन्सारमा आईपुग्यो लिपमोटर बी१०, नाइमा एक्सपोमार्फत औपचारिक लन्च हुने

काठमाडौं– लिपमोटरको बहुप्रतिक्षित इलेक्ट्रिक एसयुभी बी१० तातोपानी भन्सार आइपुगेको छ । लिपमोटर बी१० पहिलो पटक नेपाल अटोमोबाइल्स इम्पोर्टर्स एण्ड म्यानुफ्याक्चरर्स एशोसिएसन (नाइमा) द्वारा आयोजित नेपाल मोबिलिटी एक्सपोमा प्रदर्शन गरिनेछ, जुन आगामी साउन २१ देखि २५ गतेसम्म काठमाडौंको भृकुटीमण्डपमा आयोजना हुँदैछ ।

लिप ३.५ इन्टेलिजेन्ट प्लेटफर्मममा तयार भएको बी१० ५ सिटर कम्प्याक्ट एसयूभी हो । अन्तराष्ट्रिय बजारमा १६० किलोवाट रियर माउन्टेड मोटरमा उपलब्ध यस एसयूभीले सिंगल चार्जमा ५०० किलोमिटर रेन्ज दिने दाबी गरिएको छ ।

लिपमोटर बी१० ले नेपाली बजारमा बीवाईडी एट्टो३, प्रोटोन ईमास७, टाटा कर्भ ईभी, ओमोडा ई५, हुन्डाई क्रेटा ईभी र एमजी एस५ लगायतसंग प्रतिस्पर्धा गर्नेछ । यस नयाँ ईभीको मूल्य ६० लाख हाराहारी तय हुने अनुमान गरिएको छ ।