लीपमोटर र सिट्रोनको विशेष एक्सचेन्ज क्याम्प हुँदै, के–के छन् आकर्षण ?

काठमाडौं – सांग्रिला मोटर्स प्रालिले मंसिर १४ गतेदेखि २१ गतेसम्म नेपालभरका सम्बन्धित शोरूमहरूमा लीपमोटर र सिट्रोनका दुई विशेष एक्सचेन्ज क्याम्प आजोजना गर्ने भएको छ । आकर्षक लाभहरूका साथ आफ्नो सवारी साधन अपग्रेड गर्न चाहने ग्राहका लागि क्याम्प एक अवसर वन्ने कम्पनीले जनाएको छ ।

लीपमोटर ‘एक्सचेन्ज विथ द बेस्ट’ क्याम्पले ग्राहकलाई उनीहरूको लागि पर्फेक्ट १०÷१० कार चलाउने अवसर प्रदान गर्नेछ । साथै, नगद छुट, एक्सचेन्ज बोनस, निःशुल्क रोड ट्याक्स तथा दर्ता, २.२ किलोवाटको ट्राभल चार्जरको साथ निःशुल्क ७ किलोवाटको होम चार्जर र थप सहायक उपकरणहरू सहित लाभ लिन सकिनेछ ।

त्यसैगरी, सिट्रोन ‘एक्सचेन्ज विथ द बेस्ट’ क्याम्पले सहभागीहरूलाई एक्सचेन्ज बोनस, एमसीबी बक्स सहितको निःशुल्क ३.३ किलोवाट चार्जर, एक वर्षको अटो प्लस बीमा र निःशुल्क रोड ट्याक्स र दर्ताको साथ उत्कृष्ट कारमा अपग्रेड गर्न प्रोत्साहित गर्नेछ ।

कम्पनीका अनुसार, नेपालभर एकसाथ सञ्चालन हुने दुवै एक्सचेन्ज क्याम्पले कार उत्साहीहरूलाई सीमित समयका अफरहरूको लाभ उठाउँदै आफ्नो सवारी अपग्रेड गर्ने अवसर प्रदान गर्दछ ।

लीपमोटर, सिट्रोन, प्यूजो लगायत विश्व प्रसिद्ध ब्रान्डहरूको प्रतिनिधित्व गर्ने नेपालको अग्रणी अटोमोबाइल वितरक सांग्रिला मोटर्स प्रालिले राष्ट्रव्यापी रूपमा नवीन समाधान, गुणस्तरीय सवारीसाधन र भरपर्दो बिक्री पछिको सेवामार्फत उत्कृष्ट ग्राहक अनुभव प्रदान गर्ने कार्य निरन्तर गर्दै आएको छ ।