स्टेलान्टिससंग मिलेर लिप मोटरले मलेसियामा सस्तो ईभी ल्याउने

अमेरिकन अटो निर्माता स्टेलान्टिस र चिनको लिप मोटरले सहकार्य गरी मलेसियामा सस्तो ईभी उत्पादन गर्ने भएका छन् । यी दुई कम्पनी मिलेर छिट्टै बजारमा नयाँ इलेक्ट्रिक ह्याचब्याक ल्याउने घोषणा गरिएको हो । सो नयाँ ईभीको मूल्य ६ हजार डलर हाराहारी तय हुने जनाइएको छ ।

सन् २०१५ देखी चीनमा कम मूल्यका गाडी उत्पादन गर्दै आएको लिप मोटरले जीप, सिट्रोन, प्यूजो, क्राइस्लर, मसेराटी र आरएएम जस्ता चर्चित ब्राण्डको उत्पादक स्टालान्टिससंग ब्यावसायीक साँझेदारी गर्दै आएको छ ।

सोही साँझेदारीको एक हिस्साका रुपमा दुई कम्पनी मिलेर मलेसियामा नयाँ कार उत्पादन गर्न लागेका हुन् । स्टेलान्टिसले छिट्टै पोल्याण्डमा पनि लीप मोटरको प्लान्ट लगाउने योजना अघि सारेको छ ।

लिप मोटरको मेलेसियामा लन्च हुने पहिलो मोडल टी–०१ हुने र यसको सुरुवाती मूल्य ६ हजार डलर हाराहारी तय हुने कम्पनीको भनाई छ । उक्त ह्याचब्याक कारमा कम्पनीले ४०, ५५ र ८० किलोवाट क्षमताको मोटर अप्सन दिनेछ ।

साथै, ब्याट्रीमा पनि २१.६, ३१.९ र ४१.३ किलोवाट आवरको विकल्प पाइनेछ । उक्त कारले सिंगल चार्जमा २०० देखी ४०० किलोमिटरसम्म रेन्ज दिने दावी गरिएको छ ।