केटीएम आरसी रेन्ज र एड्भेन्चर रेन्ज नयाँ रङमा

केटीएम इन्डियाले आरसी र एड्भेन्चर रेन्ज अपडेट सहित नयाँ रङमा पेश गरेको छ । यद्यपि यसमा कुनै मेकानिकल परिवर्तन भने गरिएको छैन । नयाँ लुक दिने उद्देश्यले सो बाइक अब नयाँ रङ र ग्राफिक्ससहित आउने भएको छ ।

२०२४ केटीएम २५० अब नयाँ लुनर ग्रे रङमा उपलब्ध हुने भएको छ । साथै २०२४ केटीएम ३९० एड्भेन्चर २ नयाँ रङमा उपलब्ध हुनेछ । यसमा क्लासिक ओरेन्ज र ब्ल्याक शेड एडीभी प्रमुख रङ हुनेछ । यसमा नयाँ ग्रे र ह्वाइट रङको विकल्प पनि रहेको छ ।

कम्पनीले आफ्नो बाइकका लागि ओभरलेड ग्राफिक्ससहितको लामो पेन्ट लाइफ र प्रिमियम फिनिश सुनिश्चित गर्ने वेट पेन्ट प्रक्रियालाई पछ्याएको छ । केटीएम ३९० एड्भेन्चर एक्स र स्पोक ह्विल भर्सनमा कुनै परिवर्तन गरिएको छैन ।

२०२४ केटीएम आरसी३९० ओरेन्ज रङमा उपलब्ध हुने भएको छ । २०२४ केटीए आरसी १२५ र आरसी २०० बोल्ड ब्लु रङ विकल्पको साथ नयाँ ब्ल्याक शेडमा उपलब्ध हुनेछ, जबकि ओरेन्ज रङलाई यथावत राखिएको छ ।

केटीएम आरसी र एड्भेन्चर लाइनअपले आफ्नो सेगमेन्टमा रहेका अन्य बाइकलाई उछिनेर अतुलनीय पावर, टर्क र एजिलिटीका साथ बेन्चमार्क सेट गरेको कम्पनीको भनाइ छ ।