केटीएमले सार्वजनिक ग-यो आरसी ३९० को टिजर, सेप्टेम्वर महिनामै लन्च गरिने

केटीएमले आफ्नो आउँदै गरेको नयाँ बाइक आरसी ३९० को टिजर सार्वजनिक गरेको छ । सेप्टेम्वर महिनाभित्र लन्च गरिने भनिएको उक्त बाइकको मूल्य भने सार्वजनिक गरिएको छैन । केटीएमले आरसी रेन्जमा १२५, २०० र ३९० गरी कुल तीनवटा मोडलको उत्पादन गरिरहेको छ । जसमध्ये आरसी १२५ र २५० को यसअघि नै टिजर सार्वजनिक भैसकेको छ ।

आरसी ३९० मा केटीएमले अन्तर्राष्ट्रिय बजारमा यसअघि कारोबार हुँदै आइरहको ३९० एड्भेन्चरमा जस्तै एड्जस्ट गर्न मिल्ने सस्पेन्सन उपलब्ध गराएको छ । त्यसैगरी ड्युक ३९० मा उपलब्ध गराउँदै आएको टिएफटी डिस्प्ले उपलब्ध गराएको छ । जहाँबाट राइडरले ब्लुटुथ कनेक्ट गरी राइडिङको मज्जा लिन सक्नेछन् ।

यसका साथै टर्न बाई टर्न नेभिगेसन, फोन कन्ट्रोल र मिडिया प्लेब्याक फिचर्स समेत उपलब्ध गराइएको छ । यो बाइकमा कम्पनीले दुईवटा फ्यान सहितको कर्भ रेडिएटर जडान गरेको छ । जसले गर्दा इन्जिनको कुलिङ सिस्टमलाई थप प्रभावकारी बनाउने दाबी गरिएको छ ।

भारतीय बजारमा सार्वजनिक भएलगत्तै नेपाली बजारमा समेत यसलाई सार्वजनिक गरिने अनुमान लगाउन सकिन्छ ।