१६० सीसीमा पनि आयो केटीएम ड्युक, मूल्य कति ?

केटीएमले १६० सीसी सेग्मेन्टमा सबैभन्दा शक्तिशाली मोटरसाइकल १६० ड्युक लन्च गरेको छ । यसको मूल्य भारतीय बजारमा १ लाख ८५ हजार निर्धारण गरिएको छ ।

सो नयाँ मोटरसाइकलमा १६४.२ सीसी सिंगल–सिलिन्डर, लिक्विड–कुल्ड इन्जिन जडान गरिएको छ । यसले ९५०० आरपीएममा १८.७ बीएचपी र ७५०० आरपीएममा १५.५ एनएम टर्क जेनेरेट गर्दछ । बाइकमा असिस्ट र स्लिपर क्लच फिचर सहितको ६–स्पिड गियरबक्स राखिएको छ ।

२०० ड्युककै प्लटेफर्ममा तयार पारिएको यस मोटरको अगाडि ४३ एमएम डब्लुपी अपसाइड–डाउन फोर्क र पछाडि प्रिलोड–एडजस्टेबल डब्लुपी मोनोशक सस्पेन्सन जडान गरिएको छ । स्टिल ट्रेलिस फ्रेममा तयार पारिएसको सो मोटरको अगाडिको भागमा सिंगल ३२० एमएम डिस्क र पछाडिको भागमा २३० एमएम डिस्क ब्रेक दिइएको छ । साथै यसमा, डुअल–च्यानल एबीएस र अफरोड एबीएस समेत पाउन सकिन्छ ।

लुक्स र डिजाइनको कुरा गर्नुपर्दा १६० ड्युक केटीएमको अन्य स्ट्रिट फाइटर जस्तै देखिन्छ । एग्रेसिभ डिजाइनमा तयार पारिएको यस मोटरसाइकमा एलइडी हेडल्याम्प, टु–पिस सिट र साँघुरो टेल सेक्सन दिइएको छ ।

एलसीडी इन्स्ट्रयुमेन्ट कन्सोल राखिएको बाइकमा १६० ड्युक ब्लुटुथ कनेक्टिभिटी, टर्न–बाइ–टर्न नेभिगेसन र कल तथा म्युजिक कन्ट्रोल लगायत फिचर पाउन सकिन्छ ।