केटीएमको नयाँ इन्ड्युरो बाइक नेपालमा, बुकिङ र टेस्ट राइड खुला

काठमाडौं – नेपालका लागि केटीएम बाइकको आधिकारिक वितरक हंसराज हुलासचन्द एन्ड कम्पनीले नेपाली राइडरलाई विश्व स्तरको इन्ड्युरो पर्फमेन्स उपलब्ध गराउनका लागि केटीएम इन्ड्युरो आर मोटरसाइकल औपचारिक रुपमा उपलब्ध भएको बताएको छ ।

केटीएमको आइकनिक रेडी टु रेस स्पिरिटका साथ डिजाइन गरिएको सो मोटरसाइकल नेपालको भौगोलिक अवस्था अनुसार परफेक्ट भएको कम्पनीको भनाइ छ । सो मोटरसाइकलले अद्वितीय पावर, एजिलिटी र अफरोड क्षमता उपलब्ध गराउछ ।

केटीएम इन्ड्युरो आरको हलुका बडी, एड्भान्स्ड सस्पेन्सन र प्रिसिजन ह्यान्डलिङका कारण एड्भेन्चर रुचाउने र अफरोडमा यात्रा गर्न चाहने सबै राइडरका लागि रुचिकर बाइक बन्न सक्छ ।

केटीएम ३९० इन्ड्युरो आर ड्युअल स्पोर्ट मोटरसाइकल हो । यसमा भएको ३०० सीसीको वान सिलिन्डर, फोर स्ट्रोक इन्जिनले ४५ पीएस पावर र ३९ एनएम टर्क जेनेरेट गर्छ ।

यसमा २७२ एमएमको ग्राउन्ड क्लियरेन्स छ भने सिटको उचाई ८९० एमएम छ । त्यसैगरी यसमा ९ लिटरको इन्धन ट्यांकी छ । यसको मूल्य ९ लाख ९९ हजार ९ सय रुपैयाँ तोकिएको छ ।

नेपालभरका सबै आधिकारिक केटीएम शोरुममा सो बाइक बुकिङ गर्न र टेस्ट राइड गर्न सकिने कम्पनीले जनाएको छ ।