एक रोमाञ्चक र सफल अनुभवका साथ सम्पन्न भयो ‘केटीएम एड्भेन्चर डे विथ २५० एड्भेन्चर’

काठमाडौं – नेपालका लागि केटीएम बाइकको आधिकारिक वितरक हंसराज हुलासचन्द एन्ड कम्पनीले ‘केटीएम एड्भेन्चर डे विथ २५० एड्भेन्चर’ सम्पन्न गरेको छ । गत शनिबार दक्षिणकालीस्थित हात्तिवन रिसोर्टमा सम्पन्न सो इभेन्टमा ३ सय भन्दा बढी सहभागीहरुले केटीएम २५० एड्भेन्चर बाइकको वास्तविक पावर र पर्फमेन्स अनुभव गरे ।

केटीएमले हालै नेपाल भित्र्याएको नयाँ मोडलको पावरफुल बाइक २५० एड्भेन्चरको क्षमता अनुभव गराउने उद्देश्यका साथ डिजाइन गरिएको सो इभेन्टमार्फत ग्राहकले बाइकको पर्फमेन्स, ड्यरेबिलिटी र भर्सटालिटी समेत अनुभव गर्ने मौका पाए । सो अवसरमा राइडरहरुले च्यालेन्जिङ ट्रयाक टेस्ट गर्नुका साथै विभिन्न उत्साहजनक क्रियाकलापमा सहभागी भएका थिए ।

राइडरहरुका बीच भएको कठिन प्रतिस्पर्धा अन्तर्गत ७६ राइडरले ट्रयाक राइड पुरा गरे भने ९ राइडरलाई इभेन्ट विजेता घोषणा गरिएको थियो ।

ग्राहकलाई एड्भेन्चरको सही स्पिरिट अनुभव गराउने उद्देश्य पुरा भएको र यस प्रकारको इभेन्ट आयोजना गर्न पाएकोमा गौरवान्वित भएको कम्पनीको भनाइ छ ।

केटीएम नेपालका एजीएम विजय मोक्तानले यस प्रकारको इभेन्ट सफलतापूर्वक समापन गर्न पाएकोमा खुसी व्यक्त गर्दै आगामी दिनमा समेत यस प्रकारको इभेन्ट आयोजना गर्दै जाने बताए ।

नेपाली बजारमा हालै केटीएमको २०२३ मोडलको २५० एड्भेन्चर बाइक भित्रिएको छ । पहिले ८ लाख २० हजार मूल्य रहेकोमा अहिले यो बाइकको मूल्य ७० हजार कम भएर ७ लाख ५० हजार मात्र तोकिएको छ ।

सो बाइकमा २४८ सीसी सिंगल सिलिन्डर लिक्विड कुल्ड इन्जिन समावेश गरिएको छ । जसले ९००० आरपीएमा ३० एचपी पावर र ७५०० आरपीएममा २४ एनएमको टर्क जेनेरेट गर्छ । यसमा ६ स्पिड गियरबक्स समावेश गरिएको छ ।

केटीएम २५० एड्भेन्चरमा डब्ल्युपी एपेक्स सेटको सस्पेन्सन प्रयोग गरिएको छ । पछाडिको सक एब्जर्बरमा मिलाउन मिल्ने प्रिलोडका साथ १७७ एमएम ट्राभल रेन्ज हुन्छ भने डब्ल्युपी एपेक्स अपसाइड डाउन ४३ एमएम अगाडिको १७७ एमएम ट्राभल रेन्ज हुन्छ ।

यसमा हेभी ड्युटी कास्ट ह्विल र ट्राभल स्पेसिफिक ट्युबलेस टायर छ भने यसले हरेक अवस्थामा उत्कृष्ट ड्याम्पिङ प्रदान गर्छ । ब्रिम्बोद्वारा निर्मित अत्याधुनिक ब्रेकमा ४ पिस्टन रेडियल्ली माउन्टेड क्यालिपरका साथ २३० एमएम रियर डिस्क ब्रेक र ठूलो ३२० एमएम फ्रन्ट डिस्क ब्रेक छ ।

बोसको अत्याधुनिक एबीएस सिस्टमले यसमा अफरोड मोड थप गरेको छ । यसकारण जस्तोसुकै सडकमा पनि सहज तरिकाले चलाउन सकिन्छ ।

बीएस६ मापदण्डयुक्त इन्जिन र १४.५ लिटरको इन्धन ट्यांकी सहितको एड्भेन्चर बाइकलाई नेपालका विभिन्न भुभागमा सहज तरिकाले चलाउन सहयोग हुने कम्पनीको भनाइ छ ।