१० वर्षपछि सुपर मोटो टुरर सेगमेन्टमा केटीएमको पुनरागमन

१० वर्षपछि सुपर मोटो टुरर सेग्मेन्टमा केटीएम ८९० एसएमटी बाइक पुनरागमन गरेको छ । यसअघि कम्पनीले सन् २००९ मा ९९० एसएमटी लन्च गरेको थियो तर पछि सन् २०१३ मा बन्द गरेको थियो । यो एड्भान्स टुरर बाइक हो ।

बाइकमा ह्यान्डलबार फराकिलो बनाइएको छ । यसका साथै यसको सिट पनि निकै आरामदायी बनाइएको छ र साइज पनि बढाइएको छ । बाइकको सस्पेन्सन पूर्ण रूपमा परिवर्तन गरिएको छ । यसमा १७ इन्चको अलोय ह्विल दिइएको छ ।

यसमा रि–ट्युन गरिएको ८९० एलसी८ इन्जिन दिइएको छ । सो इन्जिनले ८००० आरपीएममा १०५ बीएचपीको पावर र १०० एनएमको टर्क जेनेरेट गर्छ । सो इन्जिन ६ स्पिड म्यानुअल ट्रान्समिसनसँग जोडिएको छ ।

बाइकमा स्ट्रिट फोकस च्यासिस, एडजस्टेबल सस्पेन्सन र ड्युअल डिस्क ब्रेक छ । बाइकको फ्रन्टमा डब्ल्युपी अपेक्स ४३ एमएम सस्पेन्सन र रियरमा डब्ल्युपी एपेक्स मोनोसक दिइएको छ । सो बाइकको तौल १९४ केजी छ र यसको ग्राउन्ड क्लियरेन्स २२७ एमएम छ ।

केटीएम ८९० एसएमटीमा फुल एलईडी लाइट, ब्लुटुथ कलर टीएफटी डिस्प्ले, रेन, स्ट्रिट र स्पोर्ट्सका ३ राइडिङ मोड, लिन सेन्सेटिभ एबीएस दिइएको छ । बाइकमा हिटेड ग्रिप, मोटर स्लिप रेगुलेसन, क्विडसी सिफ्टर, क्रुज कन्ट्रोल जस्ता फिचर रहेको छ ।