केटीएम ३९० ड्युकको नयाँ संस्करण सार्वजनिक

केटीएमले ३९० ड्युकको २०२६ संस्करणको ग्लोवल डेब्यु गरेको छ । केटीएमको उक्त न्याकेड स्ट्रिट बाइकमा अपग्रेड गरिएको ब्रेक र नयाँ रङ विकल्प प्रस्ताव गरिएको छ ।

सो नयाँ संस्करणको अगाडि ३२० मिमी डिस्क र पछाडी २४० मिमी डिस्क ब्रेक जडान गरिएको छ, भने बाइकमा नयाँ ब्रेक क्यालिपर समेत उपलब्ध गराइएको छ । बाइकमा कर्नरिङ एबीएस र सुपरमोटो एबीएस समेत दिइएको छ ।

३९० ड्युकको २०२६ संस्करणमा कम्पनीले हाल प्रयोग गरिँदै आएको ३९९ सिसी, सिंगल–सिलिन्डर इन्जिनलाई निरन्तरता दिएको छ । उक्त इन्जिनले ४५ बिएचपी पावर र ३९ एनएम टर्क जेनेरेट गर्दछ भने बाइकमा ६–स्पीड गियरबक्स जडान गरिएको छ ।

बाइकमा ५ इन्चको टिएफटी इन्स्ट्रुमेन्ट कन्सोल, ट्रयाक्सन कन्ट्रोल, क्रुज कन्ट्रोल, लन्च कन्ट्रोल र विभिन्न राइडिङ मोडहरु समेत उपलब्ध हुनेछ । सो नयाँ मोडल निकट भविष्यमा नेपाली बजारमा समेत उपलब्ध हुनेछ ।