इलेक्ट्रिक कार उत्पादनका लागी कियाले कोरियामा छुट्टै प्लान्ट स्थापना गर्ने

कोरियन अटो निर्माता कियाले इलेक्ट्रिक भेहिकलको उत्पादनका लागि कोरियामा छुट्टै स्टेट अफ दि आर्ट सुविधासहितको प्लान्ट स्थापना गर्ने भएको छ । २०२५ भित्रमा नयाँ मोडलको उत्पादन शुरु गरिसक्ने गरी यो प्लान्टको निर्माण गर्न लागिएको जनाइएको छ । जुन अत्याधुनिक र सुविधासम्पन्न इभी डेडिकेटेड प्लान्ट रहने उसको भनाई छ ।

यो प्लान्टबाट शुरुवाती चरणमा वार्षिक १ लाख युनिट इलेक्ट्रिक कार उत्पादन गर्ने लक्ष्य लिइएको छ । माग बढेको खण्डमा उक्त क्षमतालाई बढाएर १ लाख ५० हजार युनिटसम्म पुर्याउन सकिने कम्पनीको भनाई छ । इलेक्ट्रिक कारको माग विश्वव्यापी रुपमा बढ्दै गएपछि कोरियको सबैभन्दा ठूलो यो अटो उत्पादक कम्पनीले बजारमा जवरजस्त उपस्थिती जनाउन रणनिती अपनाएको छ ।

कियासंग हाल निरो र इभी६ गरी कुल २ मोडलका इलेक्ट्रिक कार उपलब्ध रहँदै आएका छन् । यी कारको युरोप र अमेरिका सहित विश्वका अन्य राष्ट्रहरुमा समेत बृद्धि भैरकेको छ । नेपाली बजारमा समेत यसको निरो इभी बिक्री भैरहेको छ भने केही समयभित्रै इभी६ समेत आउने तयारीमा रहेको छ ।