किया क्यारेन्सको इन्स्ट्रयुमेन्ट क्लस्टरमा समस्या, ३० हजार कार फिर्ता वोलाइँदै

किया इन्डियाले ३० हजार वढी क्यारेन्सको इन्स्ट्रयुमेन्ट क्लस्टरमा समस्या आउन सक्ने भन्दै फिर्ता लिने निर्णय लिएको छ । सेप्टेम्वर २०२२ देखी मार्च २०२३ सम्म उत्पादन भएका ३० हजार २९७ क्यारेन्सलाई कम्पनीले फिर्ता लिने जनाएको हो । सो समय अवधीमा उत्पादन भएका यी एमपीभीको डिजिटल इन्स्ट्रयुमेन्ट क्लस्टरमा समस्या आउन सक्ने भन्दै कम्पनीले सफ्टवयेर अपड्ट गर्न फिर्ता लिन लागेको हो ।

कियाले यसअघि पनि एयरव्याग कन्ट्रोल यूनिटमा समस्या देखिएको भन्दै सो एमपीभी फिर्ता लिएको थियो । साथै किया सेल्टोसको डिजेल फ्यूल पम्ममा समस्या देखिएपछि कम्पनीले सेल्टोसलाई पनि फिर्ता लिएर समस्या समाधान गरेको थियो ।

क्यारेन्स नेपाली बजारमा समेत उपलब्ध रहँदै आएको एमपीभी हो । ७ सिट क्षमता भएको सो एमपीभीको मूल्य नेपाली बजारमा ४८ लाख ९० हजार र ५२ लाख ९० हजार रुपैयाँ कायम गरिएको छ ।

नेपाली बजारमा यसको प्रिमियम र प्रेस्टिज गरी दुई भेरिएन्ट उपलब्ध छ । भारतीय बजारमा फिर्ता लिने निर्णय भएपनि नेपाली बजारमा बिक्री भएको क्यारेन्सका विषयमा भने यहाँस्थित आधिकारिक वितरक कन्टिनेन्टल ट्रेडिङले कस्तो तयारी गरिरहेको छ भन्ने विषयमा कुनै जानकारी प्राप्त भएको छैन ।