१३ लाख ३९ हजार भारुमा लन्च भयो किया सोनेट एक्स लाइन

कियाले आफ्नो लोकप्रिय सव कम्प्याक्ट एसयूभी सोनेटलाई एक्स लाइन भर्सनमा लन्च गरेको छ । हाल कारोवार भैरहेको रेगुलर सोनेटको जिटिएक्स प्लस भेरियन्टमा आधारित यो एसयूभी १.० टर्वो पेट्रोल डिसिटी र १.५ डिजेल अटोमेटिक भेरियन्टमा उपलब्ध रहेको छ । जसको मूल्य भारतीय बजारमा १३ लाख ३९ हजार र १३ लाख ९९ हजार भारु निर्धारण गरिएको छ । जुन रेगुलर मोडलको तुलनामा २० हजार भारुले बढी हो ।

मेट ग्रे पेन्ट स्किमम तयार पारिएको यो एसयूभीको ग्रिल, फग ल्याम्प र मिरर क्यापमा ग्ल्स व्ल्याक सेड दिइएको छ । जवकी फ्रन्ट र रियर स्किड प्लेटमा सिल्भर मेटर एसेन्ट सहित पियानो व्ल्याक फिनिस दिइएको छ । यो एसयुभीमा कियाले नयाँ डिजाइन सहितको १६ इन्च अलोई ह्विल जडान गरेको छ । एसयूभीको टेल गेटमा एक्स लाइन व्याज लेखिएको प्रष्ट देख्न सकिन्छ ।

इन्टेरियरको कुरा गर्नुपर्दा यसमा न्यू डुअल टोन कलरलाई उपलब्ध छ भने रेगुलर भेरियन्टमा उपलब्ध सनरुफ, भेन्टिलेटेड सिट, १०.२५ इन्चको टचस्क्रिन, यूभिओ केनक्टेड कार टेक्नोलोजी, एलइडी हेड ल्याम्प, ड्राइभ मोड, फ्रन्ट पार्किङ सेन्सर, सिक्स एयरव्याग, इलेक्ट्रोनिक स्ट्याविलिटी कन्ट्रोल र ट्रयाक्सन कन्ट्रोल लागत फिचरलाई निरन्तरता दिइएको छ । यो नयाँ भेरियन्टको पावरट्रेन र मेकानिकल पक्षमा भने कुनै परिवर्तन गरिएको छैन ।