पाँच बर्षभित्र १४ नयाँ इभी ल्याउने कियाको योजना

कोरियन अटो निर्माता कियाले सन् २०२७ सम्ममा १४ वटा मोडलका इलेक्ट्रिक कार ल्याउने उद्घोष गरेको छ । ‘सस्टेनेवल मोविलिटी’का क्षेत्रमा ग्लोवल लिडर वन्ने महत्वकांक्षी लक्ष्य लिएको कियाले सन् २०३० मा १२ लाख इलेक्ट्रिक कार बिक्री गर्ने लक्ष्य समेत लिएको छ । साथै उसले सो समय अबधीमा कुल ४० लाख कार बिक्री गर्ने र सबै मोडललाई एड्भान्स कनेक्टिभिटी र अटोनोमस ड्राइभिङमा रुपान्तरण गरिसक्ने लक्ष्य लिएको छ ।

उसले उत्पादन गर्ने यी सबै १४ वटा मोडल ब्याट्री इलेक्ट्रिक भेहिकल मात्र नभई केही मोडल प्लग इन हाइब्रिड र पूर्णत हाइब्रिड प्रबिधीमा आधारित हुनेछन् । यी इभी मध्ये २ वटा पिकअप ट्रक र एउटा इन्ट्रि लेभल ब्याट्री इलेक्ट्रिक कार हुने उसले जनाएको छ । हाल कारोबार भैरहेको पिकान्टो कारलाई उसले इन्ट्रि लेभल इलेक्ट्रिक कारमा रुपान्तरण गर्ने संभावना देखिएको छ ।

कियाको हाल अन्तराष्ट्रिय बजारमा निरो र इभी ६ मोडल उपलब्ध रहँदै आएको छ भने अर्को बर्ष इभी ९ ल्याउने तयारी गरिरहेको छ ।